Antxon Alonsok Koldo auziko Nafarroako adarraren gaineko ikerketa batzordean ez deklaratzeko eskubideari heldu dio
Alonso zitaziora joan da, baina lehen txandan argudiatu du Auzitegi Gorenean irekitako prozesu judizial batean dagoela, eta, beraz, ez zituela taldeen galderak erantzungo. Taldeek euren txanda probestu dute, eta galdera asko gelditu dira airean.
Antxon Alonso Servinabarren administratzaileak Nafarroako Parlamentuan egiten ari diren lan publikoen lizitazio eta esleipenei buruzko ikerketa batzordean ez deklaratzeko eskubidea baliatu du astearte honetan.
Alonso zitaziora joan da, baina lehen txandan argudiatu du Auzitegi Gorenean irekitako prozesu judizial batean dagoela, eta, beraz, ez zituela taldeen galderak erantzungo.
09:35ean iritsi da Nafarroako Parlamentura, eta gela batean egon da, zain, harik eta 09:58an batzordera sartu den arte.
Hasierako txandan adierazi duenez, zitazioaren arrazoia Auzitegi Gorenean irekitako auziarekin bat datorrenez, eta bere abokatuaren gomendioz, ez deklaratzeko eskubideari heldu dio.
Servinabarren administratzaileak eskatua zuen agerraldia isilpean egitea, ateak itxita, baina taldeen bozeramaileen batzordearen aurretik egin duten barne-bileran baztertu egin dute aukera hori.
Javier Esparza UPNren ordezkaria izan da hitza hartzen elehena, eta saiatu da Alonsok bere galderei erantzun ziezaien, halakorik lortu gabe, ordea. 25 minutuko galdeketa baten ostean, Alonsok erantzun dio "gustura asko" ihardetsiko ziola, baina ez zuela erantzungo abokatuaren gomendioz. "Zergatik ez duzu egia esaten eta atseden hartzen?", esan dio UPNren bozeramaileak.
Esparzak aurpegiratu dio nafarrek merezi dutela zer gertatu den jakitea, eta ziurtatu du "Servinabar bera dela trama bat". "Lizentzien eta baimenen lortzaile gisa jokatzen zenuten zuek", gaineratu du.
Halaber, galdetu dio ea zer ekarpen egiten zion Belateko tunelen esleipendun izan zen Acciona eta Oses Construccionekin eratutako ABEEri, horren % 15 izateko. "Inozenteak garela uste duzu? Gizarteak merezi al du zuek hura manipulatzen saiatzea?", galdetu dio.
Oses Construccion enpresaren zuzendariak ezagutzen dituela erantzun du, baina bere parte-hartzea ez da imintzioak eta keinuak egin edo ura edateaz harago joan. Senatuan bezala, erantzun bakarra lortu du UPNk, Belateko kontratazio mahaiko presidentea, Jesus Polo, ez duela ezagutzen errepikatzea.
Javier Lecumberri sozialistaren txandan, Alonsok erantzun du berak dakiela ez dagoela "Nafarroako obra publikorik ikerketapean", eta hori erabili du PSNren bozeramaileak UPNri "Nafarroaren izena zikintzea" leporatzeko.
Adolfo Araiz EH Bilduren legebiltzarkideak euskaraz egin duen sarreran erantzun dio Alonsok, euskaraz ere, bere lana eskertzen diola, baina "gai guztiei erantzuteko unea" iritsiko dela.
Koldo Garciaren agerraldia
Esleipen publikoei buruzko Nafarroako Parlamentuko ikerketa batzordeak Auzitegi Gorenera jo beharko du Koldo Garcia ministroen aholkulari ohia batzorde horretan ager dadin eskatzeko, gaur egun espetxean baitago.
Koldo Garciaren agerraldia Nafarroako Parlamentuan otsailaren 24rako dago aurriekusita, baina, ikerketa batzordeari barne bilera batean jakinarazi diotenez, hura espetxean egonik, Auzitegi Goreneko epailerari eskatu behako dio agerraldira etortzeko baimena eman diezaion.
Ikerketa batzordeak asteazken honetan jarraituko du Excavaciones Osesen zuzendariaren agerraldiarekin, eta datorren astean helduko dio berriro jarduerari, Bernardo Ciriza Nafarroako Gobernuko Lurralde Kohesioko kontseilari ohia eta Pedro Lopez Herri Lanetako zuzendari nagusi ohia bertan direla.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.