Espainiako Gobernuak Estatuko fiskal nagusi ohia indultatzeko eskaera bat tramitatu du
Alvaro Garcia Ortizi bi urteko inhabilitazioa ezarri zioten, sekretuak ezagutarazteagatik. Berari indultua emateko eskaera bi partikularrek egin dute.
Estatuko fiskal nagusi ohi Alvaro Garcia Ortizen artxiboko irudia. Argazkia: EFE
Justizia Ministerioak Alvaro Garcia Ortiz Estatuko fiskal nagusi ohiari indultua emateko lehen eskaera egiteko izapideak hasi ditu. Auzitegi Gorenak sekretuak ezagutaraztea egotzi zion, bi urteko inhabilitazioa ezarri. Espainiako Gobernuak eskaera horren berri emateko eskatu dio, epaia eman zuen organoa baita.
Bi partikularrek indultua eskatu dute, eta Justiziak, jaso ondoren, Gorenari helarazi dio, bere iritzia eman dezan, El Paisek aurreratu duenez, eta Europa Pressi Gobernuko iturriek baieztatu diotenez.
Indultu eskaera egin dezakete zigortuek, haien ahaideek edo haien izenean diharduen edonork, eta horri buruzko txostena egin behar du auzitegi epai-emaileak, kasu honetan Auzitegi Gorenak, Garcia Ortiz hura epaitu zuen eta. Horrekin batera, Fiskaltzari eta aldeldi laidotuari ere entzun behar zaie.
Eskaerak aurrera eginez gero, erregeari dagokio indultua ematea, Justiziako ministroak proposatuta eta Ministroen Kontseiluak eztabaidatu ondoren. Azken organo horrek du azken hitza, eta Estatuko Aldizkari Ofizialean argitaratutako errege-dekretu bidez erabaki behar da.
Auzitegi Gorenak bi urteko inhabilitazioa ezarri zion Estatuko fiskal nagusi kargurako, bai eta 7.200 euroko isuna ere, Gonzalez Amadorren datu erreserbatuak plazaratzeagatik.
Epaimahaiak frogatutzat jo zuen berak edo bere inguruko norbaitek, bera jakitun zela, Gonzalez Amadorren abokatuaren mezu elektronikoa filtratu ziola Ser irrati kateari. Mezu horretan Ogasunari iruzur egin eta bi delitu fiskal egin izana aitortzen zuen Diaz Ayusoren bikotekideak.
Hala ere, Gorenak ez zuen erabakia aho batez hartu, izan ere, Ana Ferrer eta Susana Polo magistratuek boto partikularra eman zuten. Horien esanetan, ezin zen frogatutzat jo Garcia Ortizek filtratu zuela mezu elektronikoa.
Garcia Ortizek deuseztasun-intzidentea aurkeztu zuen epaiaren aurka, eta oraindik ebatzi gabe dago. Horretan, errugabea dela defendatzen du, baita "erasoen" aurrean Fiskaltzaren "sinesgarritasuna" zalantzan jarri ere.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.