Justizia Administrazioan euskara sustatzea eskatzen duen ekimena atera dute aurrera EAJk eta PSE-EEk
Administrazio publikoan euskararen eskakizuna blindatu ahal izateko legearen negoziazioan jarrerak urrunduta dituztenean, jeltzaleek eta sozialistek bat egin dute gaur Legebiltzarrean euskararekin lotutako ekimen batean.
Justizia Administrazioan "euskarazko zerbitzuen erabilera" sustatzeko eskatu dio Eusko Legebiltzarrak Gasteizko Gobernuari, EAJk eta PSE-EEk aurrera atera duten zuzenketa baten bidez. Halaber, Justiziarako oposizioetan perfil zehatzetarako plazetan euskararen errekerimendua blindatzeko proposamena ere jasotzen du testuak.
Alderdi Popularrak eraman du gaia Legebiltzarrera, legez besteko proposamen batean. Bertan, Justizia Administrazioko hizkuntza eskakizunak arautzen dituen dekretua "premiaz" moldatzea eskatu dute, eta euskara eskakizunak behin behinean baliogabetzea. Atzera bota dute popularren proposamena; EAJk, EH Bilduk, PSE-EEk eta Sumarrek kontra bozkatu dute (65 boto), eta PPk eta Voxek, alde (zazpi boto).
Jeltzaleek eta sozialistek aurkeztutako zuzenketak, berriz, aurrera egin du, bi alderdion 37 botoekin. EH Bildu eta Sumar abstenitu egin dira (27), eta PPk eta Voxek aurkako botoa eman dute.
Euskararen normalizazioa blindatu ahal izateko legearen negoziazioan jarrerak urrunduta dituztenean iritsi da EAJ eta PSE-EE arteko akordioa euskararekin lotuta. Bi alderdiok PPri aurpegiratu diote gai hau ateratzea gobernuko kideen artean tentsioak eta desadostasunak astintzeko helburuarekin.
Zure interesekoa izan daiteke
Martxoaren 3ko sarraskia gogoan mantentzeko helburua duen "Amets berriak" abestia aurkeztu dute
Martxoaren 3an Gasteizen izandako sarraskiaren 50. urteurrena ospatzeko aste gutxi falta direnean, Martxoak 3 elkarteak "Amets berriak" abestia aurkeztu du. Letra Karmele Jaiok idatzi du eta Idoia Asurmendik interpretatu.
Hezkuntza sailburuak LHko euskal eredua goraipatu du, Sanchezek horien irekiera mugatzeko asmoa iragarri ondoren
Begoña Pedrosa Hezkuntza sailburuak Euskadiko Lanbide Heziketaren "kalitatezko eredu inklusiboa" goraipatu du, Pedro Sanchez Espainiako Gobernuko presidenteari emandako erantzunean. Horren arabera, Lanbide Heziketako ikastetxe pribatuen irekierari "mugak jartzeko" eta prestakuntzaren kalitatea "blindatzen jarraitzeko" errege-dekretua sortuko da.
CCOOk ELAri eta LABi eskatu die LGSri buruzko estrategia "birbideratzeko"
Unai Sordoren arabera, "gutxieneko soldata bat izan behar du, eta gero negoziazio kolektiboak lurrera jaitsi behar du baloia" lurraldeetan. CCOOko idazkari nagusiak mobilizaziorako deia egin du, hitzarmeneko gutxieneko soldatak lortzeko.
Sanchezek esan du "tekno-oligarkek ez dutela demokrazia makurraraziko"
Espainiako Gobernuko presidenteak, izenik esan gabe, Telegrameko kontseilari delegatuari erantzun dio gaur Bilbon, sare sozialen inguruko neurri berrien aurrean atzo plataformako buruak honen aurka egin ondotik.
Javier De Andresen ustez, iraungitako dosien txertaketa "ez da salbuespenezkoa" Osakidetzan
Javier de Andres EAEko PPko presidenteak adierazi duenez, bere alderdiak "zalantza asko" ditu gertatutakoaren inguruan, eta bere ustez "elementu batzuek erakusten dute ez zela noizbehinkako eta ezohiko gauza bat", baizik eta "hasieran transmititu zena baino zabalagoa dela".
Duela 31 urte ETAk hildako Gregorio Ordoñez gogoratu du Eusko Legebiltzarrak
Eusko Legebiltzarrak minutu bateko isilunearekin gogoratu du Gregorio Ordoñez legebiltzarkide eta Donostiako PPko zinegotzi izandakoa. 1995eko urtarrilaren 23an hil zuen ETAk Donostiako taberna batean.
Europako Justiziak bertan behera utzi du Puigdemonti inmunitatea erretiratzeko Europako Parlamentuak hartu zuen erabakia
Epaiak ez du eraginik izango Puigdemonten egoeran, ez zuelako Europako azken hauteskundeetan parte hartu, eta, beraz, jada ez du eserlekurik.
Otxandianok dio "txertoen krisiak" berriro agerian utzi duela Osakidetzak "egiturazko" arazoa duela
Pello Otxandiano EH Bilduk Eusko Legebiltzarrean duen bozeramaileak ohartarazi duenez, iraungitako txertoen "krisia" ez dago "konponduta", informazioa argitzea falta delako. Alberto Martinez Eusko Jaurlaritzako Osasun sailburua egin du egoeraren erantzule. "Osakidetzaren egiturazko arazoak jarraitzen du, gutxi asko, orain bi urte zegoen egoera berean", zehaztu du.
Mikel Mancisidorrek hartu du dagoeneko Ararteko kargua
Abenduan izan zen aukeratua, EAJ, PSE eta PPren babesarekin, eta ia bi hilabete beranduago, gaur Eusko Legebiltzarreko osoko bilkuran hartu du kargua.