Medikuen eskaerei eta profesional faltari erantzuteko, Jaurlaritzaren proposamenak
Alberto Martinez sailburuak neurriak eskatu dizkio Monica Garcia ministroari medikuen aldarrikapenei eta osasun-langileen faltari aurre egiteko.
EAEko anbulatorio baten irudia. Argazkia: EITB Media
Eusko Jaurlaritzak eta Osasun Ministerioak talka egin dute berriro. Orain dela urtebete Jaurlaritzak gogor salatu zuen Ministerioak ez ziola erantzun medikuen eskasiari heltzeko hainbat proposamen helarazi zizkionean. “Haiek egin ez, eta guk egin dezagun utzi, ere ez”, adierazi zuen Jaurlaritzak. Gaiak erantzunik gabe jarraitzen du, Jaurlaritzatk adierazi duenez, eta orain beste eztabaidagai bat etorri da, Monica Garcia Osasun ministroarekin, medikuen grebaren harira.
Azken orduetan, Alberto Martinez Osasun sailburua kexu agertu da Ministerioa grebaren inguruan egiten ari den kudeaketagatik, eta negoziatzeko eskatu dio ministroari. Hala egin ezean, Eusko Jaurlaritzak adierazi du prest dagoela bere autogobernua handitzeko eta funtzio gehiago bere gain hartzeko, arauak bete daitezen eta pazienteak artatzen dituztela berma dadin.
Horrekin batera, orain aste batzuk, Pradales lehendakariak osasun kontuei heldu zien Pedro Sanchez Espainiako presidentearekin Moncloan eduki zuen bileran, eta eskatu zion osasun-langileen faltari aurre egiteko proposamenak kontuan hartzeko, hurrengo aldebiko bilera baino lehen. Gogora ekarri behar da urtarrilaren 27an lehendakariak Aste Santura arteko epea eman ziola Sanchezi hainbat proposamen bideratzeko.
"Hiru gehi bat" planteamendua
Horrela, beste proposamen batzuen artean, Eusko Jaurlaritzak familia medikuen espezializazio-urteak lautik hirura murriztea proposatu dio Ministerioari, eta laugarren espezializazio-urte hori ondorengo urteetan berreskuratuko litzateke.
Jaurlaritzak adierazi duenez, “hiru gehi bat” planteamendu horrek lau urtean profesionalen kopurua bikoiztea ekarriko luke, eta uste dute bat datorrela Europako beste herrialde batzuetan espezializazioa bideratzeko erarekin.
Era berean, Eusko Jaurlaritzak proposatu du lehen arretako profesionalen borondatezko erretiroa atzeratzea; planteamendu horren arabera, erretiroa 72 urtera arte atzeratzeko aukera edukiko lukete.
Euskara BAME azterketan
Hirugarrenik, Eusko Jaurlaritzak eskatzen du BAME (Barneko Mediku Egoiliar) azterketan euskararen ezagutza baloratzea, Euskal Autonomia Erkidegoko plazei dagokienez.
Helburua bertako profesionalak errotzea sustatzea da, BAME aldia Euskadin egin dezaten eta, azken batean, Osakidetzan lanean gera daitezen.
Osasun Sailak uste du neurri horiek —eta Euskadin dagoeneko martxan jarritako beste batzuek— osasun-langileen gabezia arintzen lagun dezaketela. Arazoa gogor jotzen ari da Europa osoko osasun sistemak, eta Osakidetza ez da salbuespena.
Bestalde, duela urtebete Auzitegi Gorenak atzera bota zuen atzerriko titulazioak homologatu eta baliokidetzeko eskumenaren eskualdaketa. Osasun Sailak espero zuen bide horrek datozen urteetan atzerriko ehunka mediku etorraraztea Osakidetzara.
Orain, berriz, Eusko Jaurlaritzak medikuen greban jarri du arreta. “Ministerioak uste badu ez dagoela medikuen kolektiboarekin negoziazio hori jorratzeko moduan, guk geure Estatutu Markoa izateko gaitasuna eskatzen dugu”, adierazi du Osasun sailburu Alberto Martinezek.
ESTATUTU PROPIOA
Alberto Martinezek medikuekin negoziatzeko edo eskumena Euskadiri lagatzeko eskatu dio Ministerioari
Osasun sailburuak ohartarazi duenez, ministerioak erantzukizunak bere gain hartzen ez baditu, Euskadik osasun-kudeaketaren eskumena eskatuko du.
Zure interesekoa izan daiteke
EHUk Arabako campusa itxiko du astelehenean, Voxen ekitaldi bat dela-eta
Eskuin muturreko alderdiak otsailaren 23aren oroigarri gisa egin du deialdia, “unibertsitatean askatasuna defendatzeko ezker abertzalearen aurrean”.
Eudelek aurrekontuak luzatu ditu, 40 urtean lehen aldiz, EH Bilduren abstentzioaren ondorioz
EH Bildu atzo iragarri zuenez, koalizio abertzaleko zinegotziek aurrekontua atzera botatzeko asmoa zuten, gaurko bozketan abstenituz, EAJk bultzatutako zuzendari berriaren hautaketa prozesuarekin ados ez zeudelako. Esther Apraiz Eudelen presidenteak adierazi du"intituzioa etsirik" dagoela erabakiaren aurrean, eta ohartarazi du horrek "zaildu" egingo duela hainbat proiektu egitea.
Jaurlaritzak begi onez hartu du bizitzeko baimena berritu nahi duten migratzaileei hizkuntza ofizialetan egiten jakitea eskatzea
Kataluniako Gobernuak egin du proposamena, hizkuntza kohesiorako eta hobeto integratzeko elementu gisa baliatu daitekeelakoan. Ildo horretatik, euskara jakitea migratzaileen integrazio prozesua indartzeko kohesio tresna izatea nahi du Eusko Jaurlaritzak.
Eusko Legebiltzarrak Fernando Buesa eta Enrique Casas eraildako sozialistak gogoratu ditu
Enrique Casas 1984ko otsailaren 23an hil zuten Komando Autonomo Antikapitalistek, eta Fernando Buesa bere bizkartzain Jorge Diezekin batera hil zen, ETAren atentatu batean, 2000ko otsailaren 22an. Legebiltzarreko Mahaiak 2014ko otsailean erabaki zuen erakunde terroristek hildako lau euskal legebiltzarkideak —Fernando Buesa, Enrique Casas, Gregorio Ordoñez eta Santiago Brouard— omentzea, erailketaren egunetik hurbilen dagoen osoko bilkuran.
Rufian: "Zer zentzu du gauza bera defendatzen duten ezkerreko 14 alderdik elkarren artean lehiatzeak?"
'Oraina borrokatu, etorkizuna irabazteko' goiburupean, ERCko buruzagiak antolatutako ekitaldian Estatu espainiarreko ezkerreko alderdi guztiek hartu dute parte, EH Bilduk, Podemosek eta BNGk izan ezik.
Sanchezek dio "irmo" jokatu dutela Polizia Nazionalaren bigarrenaren aurkako salaketaren berri izan ostean, eta ez du uste Marlaskak dimisioa eman behar duenik
New Delhin egindako prentsaurreko batean, Espainiako Gobernuko presidenteak esan du hasiera-hasieratik "biktimari" babesa eman diotela eta Jose Angel Gonzalez bere postutik kendu dutela. "Eta, hortik aurrera, ikerketa amaieraraino eramango da, ondorio guztiekin", gaineratu du.
Aburtok amaitutzat eman du Aitor Estebanekin izandako desadostasuna, eta atxilotuen jatorria argitaratu gabe jarraituko du
Bilboko alkateak Segurtasunaren aldeko Itunarekin lotu du bere erabakia, PSErekin, EH Bildurekin eta Elkarrekin Bilbaorekin sinatua.
Marlaskak esan du salatzaileak eskatuz gero emango duela dimisioa
Barne ministroak ez du aintzat hartu PPren dimisio eskaera, eta defendatu egin du Polizia Nazionalaren bigarrenaren aurkako kereilaren aurrean izan duen jarrera.
Denis Itxasok bideratutzat jo ditu Pradales lehendakariarekin izandako desadostasunak
Eusko Jaurlaritzako Etxebizitza eta Hiri Agenda sailburuak adierazi du desadostasunak bideratuta daudela, baina lehendakariak eta biek hitz egin beharra dutela oraindik, eta aste honetan bilduko direla. Bide batez, Aitor Esteban EAJko EBBren bururari gogorarazi dio arazoa konpontzear dagoela eta presio egiteak ez duela mesederik egiten. Donostian azken urteotan etxebizitza babestuarekin izan den arazoaz ere mintzatu da Euskadi Irratian.