Informatzaile batek CESIDi jakinarazi zion Juan Carlos I.a militar kolpistekin bildu zela, epaiketak Errege Etxea kaltetu ez zezan
Dokumentuak jasotzen duenez, erregea Milans del Bosch kolpistarekin bildu zen. Zerbitzu sekretuek sinesgarritasuna eman zioten informazioari, eta “goi-mailako informazio” gisa sailkatu zuen.
Desklasifikatutako agirietako bat. Argazkia: Moncloa
Otsailaren 23ko estatu-kolpearen inguruko dokumentazioaren desklasifikazioak ez ditu bete sortu ziren aurreikuspenak, baina ezin da ukatu agiri batzuek informazio berri eta garrantzitsua dakartela. Desklasifikatutako agirietako batek, esaterako, jasotzen du Juan Carlos I.a otsailaren 23aren ondoren estatu-kolpeko arduradun nagusietakoa zen Jaime Milans del Boschekin bildu zela. Bilera prozesu judiziala hasi baino lehen izan zen, eta helburua zen prozesu judizialak Errege Etxea ez kaltetzea.
Dokumentua oinarritzen da informatzaile batek inteligentzia-zerbitzu nagusiari (CESIDi alegia) helarazitako informazioan. Honako izenburua du: ‘Sobre entrevistas de S.M. el Rey con militares implicados en el 23-F’ (Erregeak O23an inplikatutako militarrekin izandako elkarrizketei buruz). Gainerako dokumentazioarekin batera Moncloaren webgunean argitaratu da.
Bertan jasotzen denez, “Erregea modu konfidentzialean" elkarrizketa izan zuen "T.J. Milans del B.rekin”. Gaineratzen duenez, “ororen gainetik nahi dena da Koroa prozesutik kalteturik ez ateratzea”. Bilera hori estatu-kolpe saiakeraren ondoren gertatu omen zen, informatzaileak CESIDi helarazi zionez. Agiria 1982ko otsailaren 5ekoa da; egun batzuk geroago hasiko zen kolpisten aurkako prozesua.
Bilera Armadarekin
Dokumentuak ez ditu iturriak zehatz aipatzen: “Hiriburuko giro militarrak” eta “Kantabriako iritzi-nukleo kualifikatuak” aipatzen ditu. Milans del Boschekin izandako ustezko bileraz gain, jasotzen da “Errege Etxeko pertsona oso garrantzitsu batek" elkarrizketa izan zuela Alfonso Armada jeneralarekin.
Dokumentuak, halaber, nabamentzen du informazio kualifikatua dela, eta “ez zurrumurru bat”.
Horrela, azpimarratu behar da CESIDek “goi-mailako informazio” gisa sailkatu zuela Juan Carlos I.a erregearen eta Jaime Milans del Bosch jeneralaren arteko ustezko harreman hori, helburu zuena Koroa prozesutik "kaltetuta atera ez zedin”. Hau da, Espainiako inteligentzia-zerbitzuak sinesgarritasuna eman zion informazioari.
Dokumentuan jasotzen denez, informatzaileak ez ziren edonor (“ez dira sasijaunak”); haietako batzuk “sektore militarrean integratuta” zeudela jasotzen da.
Zure interesekoa izan daiteke
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.
David Sanchezek ukatu egin du kontratazioetan eragin izana: "Ez daukat horretarako ahalmenik"
Badajozko Lurralde Auzitegian egiten ari diren epaiketan, David Sanchezek, Pedro Sanchez Espainiako Gobernuko presidentearen anaiak, ukatu egin du kontratazioetan eragin izana; ez Badajozko kontserbatorioko koordinatzaile gisa berak lortu zuen lanpostuan, ezta Luis Carrero lagunari esleitu ziotenean ere. "Ez dut horretarako ahalmenik, ezta informazio administratiborik ere", esan du.
Estebanek eta Anduezak bien arteko desadostasunen kontua arindu eta Jaurlaritzaren batasuna goraipatu dute
Desadostasunak gorabehera, EAEko erakunde nagusietan koalizioa osatzen duten bi alderdietako buruzagiek azpimarratu dute bat eginda lan egiten dutela "herria aurrera ateratzeko".
UCOk Tubos Reunidosen Bilboko egoitza miatu du
Erregistroa hamar orduz luzatu da. Leire auziaren sekretupeko pieza baten barruko jarduketa bat da, eta Santiago Pedraz Auzitegi Nazionaleko epailearen aginduz egin dute.
UCOk PSOE seinalatu du Leire Diezen sarearen ordainketa guztien "jatorri" gisa
Atestatuan, Guardia Zibilaren Unitate Zentral Operatiboko agenteek ustezko ordainketetako batzuk xehatu eta hainbat adibide jarri dituzte.
2027ko aurrekontuak aurkezteko izapideak abiatu ditu Espainiako Gobernuak
Elkarrizketarako "eskuzabaltasuna, erantzukizuna eta konpromisoa" eskatu dizkie Espainiako gobernuburuak Kongresuko taldeei, eta bereziki zuzendu zaie Euskal Herriko eta Kataluniako alderdi independentistei eta nazionalistei.