O23ko paperekin herritarrekiko zor bat kitatu dela adierazi du Sanchezek
Kongresuko kontrol saioan, Mertxe Aizpurua EH Bilduren Kongresuko bozeramaileak ontzat jo du erabakia, baina, haratago joateko eta GALen eta Mikel Zabalzaren hilketaren inguruko sekretuak ere altxatzeko eskatu dio presidenteari, "euskal jendartearentzat garrantzia handiko" kasuak direlako.
Estatu-kolpe saiakerako paperak argitaratzearekin herritarrekiko zorretako bat kitatzen dela nabarmendu du gaur Pedro Sanchez Espainiako Gobernuko presidenteak Kongresuan. Horren harira, Mertxe Aizpuruak, EH Bilduk kongresuan duen bozeramaileak eskatu dio, beste pauso bat eman dezala aurrera eta ken ditzala GALen inguruko eta Mikel Zabalzaren hilketaren gaineko sekretuak ere.
Kongresuan egin den kontrol-saioan, Aizpuruan galdetu dio ea desklasifikatuko ote dituen "euskal jendartearentzat garrantzi handiko" diren beste kasu batzuetako dokumentuak ere, gaur O23koekin egin moduan.
"Ontzat jotzen dugu erabaki hau, baina ez da nahikoa, eta ez da nahikoa oraindik ere sektretupean eta zigor gabe jarraitzen dutelako euskal herritarrontzat eta gure historiarentzat garrantzia gorena duten gertaera eta krimenak, horietako asko O23koak baino lehenagokoak", esan du.
Kasu horien artean aipatu ditu Mikel Zabalzaren "hilketa"; Jose Miguel Etxeberriaren "argitu gabeko desagerpena"; GAL; Batallon Vasco Español; German Rodriguez poliziaren tiroz hil zeneko 78ko sanferminetako gertaerak; eta Gasteizen 1976an gertatutakoa, non bost langile erail zituzten.
"Euskal gizarteak eskubidea du horietan guztietan, ure herriaren kontrako gerra zikinean zer gertatu zen jakiteko", esan dio.
Aizpuruari erantzunez, Sanchezek nabarmendu duenez, "gaur egun handia da demokraziarentzat", O23ko papreak argitaratuko direlako, izan ere, gardentasuna "aurrerabidea, demokrazia eta kultura demokratikoa" sendotzen ari den isla da.
"Zor bat kitatu dugu, ez bakarrik gure herriaren gertuko historiako pasarte eta uneak argitu nahi dituzten ikertzaile eta zientzialariekin genuena, baita gizartearekin genuena ere, herritarrek eskubidea baitute Estatu-kolpe saiakera horrekin zerikusia duen ororen berri izateko", azpimarratu du.
EH Bilduren bozeramaileak egindako eskaerari erantzunez, Sanchezek gogorarazi du joan den uztailean Ministroen Kontseiluak informazio klasifikatuaren lege-proiektua onartu zuela, tramitazioan dagoela Parlamentuan, eta onartuko balitz, "sekretu ofizialen legea, Konstituzio-aurrekoa, baliogabetzea" ekarriko lukeela.
Sanchezen esanetan, lege horrek "demokrazia aurreratuenen pare jarriko luke Espainia, gardentasunari eta sekretu ofizialek kudeaketari dagokionez".
Horregatik, datozen saioetan egitasmo hori babesteko eskatu die talde politikoei, "gaur egungo lege bat izateko, demokratikoa, 68ko legea behin betiko baliogabe utziko lukeena".
EH Bilduren bozeramailearen hitzartzean kritika eta kexak piztu dira Alderdi Popularreko kideen artean, Kongresuko presidente Francisca Armengolek isilarazi behar izateraino.
Kontrol-saioko bere galderan, Guillermo Mariscal PPren diputatuak Aizpuruari esan dio egin behar duena ETAren hilketak "argitzen laguntzea" dela.
Zure interesekoa izan daiteke
Espainiako Gobernuak O23ren dokumentu desklasifikatuak argitaratu ditu
Espainiako Gobernuak 1981eko otsailaren 23ko estatu-kolpe saiakeraren dokumentu desklasifikatuak zabaldu ditu, Gobernuak berak jakinarazi duenez.
Yolanda Diazek iragarri du ez dela hautagai izango 2027ko hauteskunde orokorretan
Espainiako Gobernuko bigarren presidenteordeak Bluesky sare sozialean argitaratutako mezu baten bidez eman du erabakiaren berri, eta Lan Ministerioan izandako agintaldiaren balantzea egin du.
Karmele Tubillak ostegunean utziko du Santurtziko alkate kargua
EAJk oraindik ez du baieztatu nor izango den Tubilla ordezkatzeko hautagai jeltzalea.
Euskadiko PPren ustez, ez da beharrezkoa M3aren eta Mikel Zabalzaren heriotzaren inguruko dokumentuak desklasifikatzea: "Badago ekintza horiei buruzko informazioa"
Horretaz gain, Laura Garrido PPk Legebiltzarrean duen bozeramaileak EAJren estrategia kritikatu du, ETAko presoei espetxe onurak eman baitie. "Argi dago EH Bildu zuritzen ari direla", gaineratu du.
Nor izan zen nor otsailaren 23an? Estatu-kolpeari buruzko agirietan kokatzeko gida
Tejerok gidatu zuen pasarte ilun hura eta bera izan zen protagonista nagusia, baina bigarren mailako rola hartu zuten beste hainbat aktore izan ziren.
Fiskaltzak Txeroki erdi-askatasunean jartzea babestu du, baina Frantziako biktimei barkamena eskatzeko exijitu du
Uste du “bidezkoa” dela erregimen hori ETAko buru ohiari aplikatzea, espetxean izan duen “bilakaera” kontuan hartuta.
Martxoak 3 elkarteak Espainiako Gobernuari eskatu dio 1976ko martxoaren 3ko krimenetan Estatuaren erantzukizun nagusi eta zuzena aitortzeko
Elkarteak “adierazpen ofizial bat” eskatu du, “bertsio ofizial frankista gezurtatzeko eta Espainiako Erresuma poliziaren jarduera kriminalaren erantzule dela aitortzeko”.
Martxoak 3 elkarteak ostegun honetan 'Estatua erantzule' ekimena babesteko eskatu dio Eusko Legebiltzarrari
Martxoak 3 biktimen elkarteak Eusko Legebiltzarrari eskatu dio ostegun honetan babes dezala 'Estatua erantzule' ekimena, Espainiako Gobernuari eska diezaion aitor dezala "Estatuak erantzukizun nagusi eta zuzena duela 1976ko martxoaren 3an Gasteizen eta 1978ko sanferminetan egindako krimenetan".
Mazon ikertzea eskatu dio GOIDIaren auziko epaileak Valentziako Justizia Auzitegi Nagusiari, "arduragabekeriagatik"
Instruktorearen arabera, pasibotasun hori "elementu erabakigarria" da 2024ko urriaren 29an Valentziako probintzian 230 hildako utzi zituzten gertakarien emaitzan.