Espainiako Gobernua "erantzun integrala" prestatzen ari da Ekialde Hurbileko gerraren ondorio ekonomikoak arintzeko
Familiak, enpresak eta autonomoak babesteko eta trantsizio energetikoa bizkortzeko neurriak hartuko ditu, eta ez da baztertzen beherapen fiskalak egitea.
Elma Saiz Gizarte Segurantzako ministro eta Espainiako Gobernuko bozeramaileak astearte honetan aurreratu duenez, Exekutiboa "denbora darama erantzun integral, kalibratu eta eraginkorra" prestatzen, Ekialde Hurbileko gerraren ondorio ekonomikoak arintzeko.
Ministroen Kontseiluaren bileraren amaieran, bozeramaileak adierazi du aste honetan zehar Gobernuak ideiak trukatuko dituela talde parlamentario guztiekin, baita eragile sozialekin, patronalarekin eta sindikatuekin ere, eta Europako Batzordeak Ekialde Hurbileko egungo gatazkaren aurrean neurriak proposatzeko egindako proposamenak entzungo dituela.
Alde batetik, "koiunturazko" plano bat jasoko du, "familiak, langileak eta enpresak babesteko" neurriak bilduko dituena, baina "egiturazko" plano bat ere hartuko du, "trantsizio ekologikoa" bizkortzeko eta "autonomia estrategikoa indartzeko" neurriekin.
Aagesen: lasaitasun mezua
Bestalde, Sara Aagesen Trantsizio Ekologikorako eta Erronka Demografikorako ministro eta hirugarren presidenteordeak "lasaitasun mezua" zabaldu du gatazkaren aurrean, eta egungo egoera Ukrainan gerra hasi zenean izandakoaren "bestelakoa" dela ziurtatu du.
Horrela, azaldu du Espainiak Ormuzeko itsasartearen bidezko energia-hornidurarekiko duen esposizio zuzena % 2tik beherakoa dela gasaren kasuan, eta % 5etik beherakoa petrolioari dagokionez.
Halaber, adierazi du Gobernua "bilera ugari" egiten ari dela Europako kideekin, eta petrolio gordinaren prezioaren jarraipena egiten ari dela, % 28 hazi baita gatazkaren aurreko egunekin alderatuta, eta argiaren bilakaerarena ere bai, % 80ko gorakada izan baitu.
Hala ere, Gobernua "jarduteko prest" dagoela eta "erantzun plan integrala" prestatzen ari dela ziurtatu du, "egoeraren araberako neurriak izango dituena, baina baita estrategikoak diren neurriak ere".
Ez da baztertzen neurri fiskalak hartzea
Ildo horretan, eta neurri fiskalak hartzea aurreikusten duten galdetuta, hirugarren presidenteordeak esan du "neurri guzti-guztiak mahai gainean" daudela, eta garrantzitsuena egiturazko neurriak hartzea dela, herrialdea krisi honetatik "indartuta" atera dadin, energia berriztagarrien alde eginez, Ukrainako gerrarekin gertatu zen bezala.
Espainiak gasarekiko eta petrolioarekiko arrisku txikiagoa duela nabarmendu du Aagesenek, energia berriztagarriak handitu dituelako mix energetikoan, eta herrialdeak energia berriztagarrien "baliabide mugagabearen" alde egin behar duela adierazi du.
Zure interesekoa izan daiteke
Konstituzioaren Laugarren Xedapena indargabetzea eskatu du UPNk, "independentismoa hazten ari den une honetan"
Nafarroa eta EAEn batzeko aukerari atea zabaltzen dio Konstituzioaren Laugarren Xedapen Iragankorrak, demokratikoki hala erabakitzen bada.
Ikasle-mugimenduaren aurkako kriminalizazio kanpaina salatu du EHUko ikasle talde batek
Gasteizko EHUko Letren fakultate atarian egindako agerraldian, ikasle talde batek Voxen agerraldiari eta Martxoaren 3ari lotuta ikasle-mugimenduak jasandako kriminalizazioa gaitzetsi dute. Ikasle hauek "EAJ eta eskuineko hainbat komunikabide" jo dituzte kanpaina horren erantzule.
Pradalesek lurralde arteko lankidetza aldarrikatu du, "krisiak eta gerrak pilatzen ari diren" testuinguru globalean
Akitania-Euskadi-Nafarroa Euroeskualdea integrazioaren adibide dela azpimarratu du "Europara ziur iiritsiko diren eztabaidei aurre hartzeko" gunea.
Euskal Hirigune Elkargoaren funtzioaren eta izaeraren inguruko eztabaida, hauteskunde kanpainan
Ipar Euskal Herrian udal hauteskundeak egingo dituzte martxoaren 15 eta 22an. 158 udaletako ordezkariez gain, Euskal Hirigune Elkargoa ere osoki berrituko dute. Azken erakunde hori 2017an sortu zen, eta bere zereginaren inguruko eztabaida oso presente dago kanpainan. Hainbat eragileren iritziak bildu ditu ETBk, aldekoak zein kontrakoak.
Auzitegiak onartu egin du Iñigo Errejonen aurkako bigarren sexu-eraso salaketa
2021ean gertatu omen zen sexu-eraso batekin lotuta dago azken hori, Elisa Mouliaa aktoreak aurkeztutako salaketaren ondoren.
EAJk Espainiako Gobernua estutu du "Tubos Reunidosek zorra berregituratu" eta bideragarritasun plan bat landu dezan
Jeltzaleek ohar baten bidez jakinarazi dutenez, industriak "une zailak bizi ditu Estatu osoan, argindarraren prezio altuen ondorioz". "Horregatik, denbora daramagu energia prezio lehiakorragoak lortzeko neurriak eskatzen", esan dute.
EH Bilduk "inperialismoaren aurka eta bakearen alde" egingo du Aberri Egunean
Iruñean, "zazpiak bat egin" lelopean, Euskal Herria "herri bat" eta "aske izan nahi duen nazio bat" dela aldarrikatuko du.
Abian da Ipar Euskal Herriko herriko bozetarako kanpainaren azken astea
160 udalerritako auzapezak hautatu beharko dituzte herritarrek eta espero da horietatik ia gehientsuenetan, % 90etan, lehen itzulian (martxoak 15) emaitzak erabakita gelditzea, hautagaitza bakarra edo bi daudelako. Aldiz, oso litekeena da 14 herritan bigarren itzulira (martxoak 22) joatea, hautagaitzetako batek ez badu behintzat lehenengoan % 50eko babesa gainditzen. Herriko etxeez gaindiko garrantzia dute bozek, emaitzen arabera osatuko baita, ondoren, Euskal Hirigune Elkargoa.
Etxanobe, AHTari buruz: "Serio eta zorrotz ekin behar zaio, ezin dugu atzerapen gehiagorik izan"
Joan den ostiralean, Oscar Puente Espainiako Garraio ministroak esan zuen "hiruzpalau urtean" AHTa egiteko lanak bukatuta izango zurela. Horren harira, Elixabete Etxanobe Bizkaiko ahaldun nagusiak azpimarratu du, Radio Euskadiko "Boulevard" saioan egindako elkarrizketan, "egun bakarreko atzerapenak ere Euskadirako eta bereziki Bizkairako lehiakortasuna galtzea" dakarrela.