Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.
Madrilgo PPren idazkari nagusia, Alfonso Serrano, Quilesekin hizketan. Argazkia: EuropaPress
Epaile batek Vito Quiles atxilotzeko agindua eman du. Hala ere, oraingoz Poliziak ezin izan du aurkitu, iturri juridikoek EFEri jakinarazi diotenez.
Vito Quilesek gutxienez auzi penal bat du irekita, Beatriz Corredor Red Electricaren presidentearen etxera joan eta 2025eko apirileko itzalaldiaren ondoren erantzukizunak bere gain hartzen ez zituela aurpegiratzeagatik. Hala ere, iturriek ez dute zehaztu zer prozeduraren ondorioz agindu duten atxilotzeko.
Beste auzi polemiko batzuk ere izan dira: Begoña Gomezek, Pedro Sanchez Espainiako Gobernuko presidentearen emazteak, jazarpenagatik salatu zuen, eta Sarah Santaolalla analista politikoak, ustezko eraso batengatik; nolanahi ere, biak behin-behinean artxibatu dituzte epaileek.
Quiles ordezkatzen duen Ospina Abogados bulegoko iturriek EFEri adierazi diotenez, ez dute atxilotze-agindu horren berri ofizialik, baina jakin badakite Polizia haren lantokira joan dela hura atxilotzera, baina une horretan ez zegoela bertan.
Hala, abokatuek adierazi dutenez, Vito Quiles etxean dago, eta bihar polizia-etxe batera joateko asmoa du gaia argitzeko.
Zure interesekoa izan daiteke
Zenbat kobratuko dut hauteskunde-mahai batean parte hartu behar baldin badut?
Behin-behinean espetxera bidali ditu epaileak terrorismo delitua egotzita Irunen atxilotutako bi lagunak
EAJren oinarriek asteazkenetik aurrera bozkatuko dituzte Batzar Nagusietarako hautagaitzak, Mendoza, Bengoetxea eta Gonzalez ahaldun nagusigai direla
Hondamendi eremu izendapena iragarri du Sanchezek Valentzian eta “herrialde mailako akordioa” eskatu du etorkizuneko larrialdietarako
Bizikidetzarako bidera batzeko deia egin die Jaurlaritzak "zor morala" dutenei
Anduezak ez du uste Irungo atxiloketen atzean "Euskadira indarkeria itzultzeko hazia" dagoenik
Olarra Guridi ETAko presoari hirugarren gradua ematearen kontra egin du Fiskaltzak
Etxanobek militantziaren esku utzi du bere hautagaitzari buruzko erabakia, bihar hasiko den barne prozesuan
Auzitegi Gorenak amnistia aplikatu die Junqueras, Bassa, Turull eta Romevari
