EHUk plaza kopurua handituko du, berdintasun printzipioa bermatzeko eta ebazpen judizialak betetzeko
Juan Ignacio Perez Iglesias Zientzia, Unibertsitate eta Berrikuntzako sailburuak iragarri du Eusko Jaurlaritzak baimena emango duela plaza kopurua handitzeko, Euskara azterketan ateratako zeroen inguruan epaileek hartutako erabakiak gainerako ikasleei kalterik eragin ez diezaien.
Unibertsitatera Sartzeko Probako (USaP) Euskara eta Literatura II azteketan zero atera zuten ikasleen auzian, gainerako inor kaltetu ez dadin eta berdintasun printzipioa bermatzeko, plaza kopurua behin behinean handitu egingo du Euskal Herriko Unibertsitateak (EHU), harik eta auziari buruzko behin betiko epaia iritsi arte. Ebazpen judizialak beteko ditu unibertsitate publikoak, eta ez ditu kontuan hartuko salaketa jarri duten ikasleek euskara azterketan ateratako kalifikazioa batezbesteko notan.
Joxerramon Bengoetxea EHUko errektoreak eta Juan Ignacio Perez Iglesias Eusko Jaurlaritzako Zientzia, Unibertsitate eta Berrikuntza sailburuak eman dute erabakiaren berri, EHUren Udako Ikastaroen 45. edizioaren irekiera ekitaldira sartu aurretik. Bi kargudunak premiazko bilera egin dute arratsaldean, egoera aztertu eta irtenbide bat adosteko.
"Auto judizial bat denez, ikusten dugu gure burua erabat behartuta betetzera. Adostu dugun konponbidea da autoa betetzea eta errekurritu duten ikasleen euskara azterketako kalifikazioa kontuan ez hartzea, eta horrekin batera, plaza probisionalak sortzea hainbat gradutan. Oraindik ez dakigu ikasle horiek aukeratutako graduak eta hurrenkerak zeintzuk diren", azaldu du Bengoetxeak. EHUren abokatu taldea alegazioak prestatzen ari dela ere gaineratu du.
Bere aldetik, Perez Iglesiasek nabarmendu du ikasleen "berdintasun printzipioa" dela Jaurlaritzak lehenetsi duen irizpidea, "inor kaltetu ez dadin". Berak zuzentzen duen sailak hartuko bere gain behin behineko plazen kostua, eta baimena emango dio EHUri horiek sortzeko, "inolako eragozpenik gabe".
Justiziak ikasleei plaza gordetzera behartu du unibertsitate publikoa, eta, kasua argitu arte, ateratako nota kontuan ez hartzea agindu dio, batezbesteko nota kalkulatzeko. Erabakia berehala betebeharrekoa da. Hori egin ezean, EHUko errektoretza taldeari desobedientzia edota prebarikazioa delituak leporatzeko aukera zabalduko litzateke.
Orotara, 35 ikasle inguruk aurkeztu dute salaketa; azken asteotako 25 salaketei, gaur beste hamar batu zaizkie.
Zure interesekoa izan daiteke
Genero-Berdintasunaren Indizea Euskadin 66 puntukoa da 100etik, Estatuko indizea baino 4,9 puntu txikiagoa
Eustatek astearte honetan argitaratutako datuen arabera, emakumeek lan gehiago egiten dute etxean eta diru gutxiago irabazten dute.
Santurtzin atxilotu ostean hil zen gaztearen familiak auzitara joko du
Senitartekoen ustez, haren heriotza "saihestu zitekeen", eta atxiloketarekin lotzen dute, EITBk jakin duenez.
Udalekuek haurrak babesteko ordezkari bat izendatu eta begirale gehiago izan beharko dituzte
Eusko Jaurlaritzak aisialdi hezitzaile eta denbora libreko jardueren dekretua onartu du, hain zuzen ere, udalekuen jarduna arautzen duena.
EHU Eusko Jaurlaritzarekin bilduko da astearte honetan zeroen inguruko ebazpen judiziala nola bete adosteko
Eusko Jaurlaritzak EHUri eskatu dio 2026-2027 ikasturterako plaza kopurua behin-behinean handitzeko.
Ikasleen abokatua: “Zeroak apur bat susmagarriak dira; askok hizkuntza-maila egiaztatua dute”
Unibertsitatera Sartzeko Probako (USaP) euskarako azterketan nota baxuak jaso dituztelako helegitea aurkeztu duten ikasleen abokatuak, Iñaki Picazak, adierazi du gazteek helegitea jarri dutela, “zero ateratzea apur bat susmagarria delako”. Gainera, hau nabarmendu du: “Helegitea aurkezten ari diren gazte askok hizkuntza-eskakizunak egiaztatuta dituzte”.
Abiatzear dira euskararen egiaztatze asimetrikoak (A2/B1, B1/B2, B2/C1...): Zer dira eta nola egiaztatu ahal izango dira?
Eusko Jaurlaritzak urritik aurrera hizkuntza-trebetasunen arabera gaitasun-mailak egiaztatzeko aukera emango duen eredu berria jarriko du martxan.
Irundarrak bi alardeetan banatuta ospatzen ari dira, beste urte batez, San Martzial eguna
Alarde tradizionala 07:40an abiatu da. Alarde publiko eta parekideko konpainiak, berriz, ia hiru ordu geroago elkartuko dira Urdanibia plazan, desfilea 10:20an hasiko baitute.
Bernedoko amak: "Ez dugu ideologia bat salatu, gertakizun batzuk baizik; gure alabei entzutea eskatzen dugu"
Bernedoko udalekuan sexu-askatasunaren aurkako delituen biktima izan diren neskatoen amek neurriak eskatu dituzte gertatutakoa berriz gerta ez dadin.
Bengoetxea (EHU): "Errekurtsoa jarri duten ikasleentzat pribilegioa ez den eta berdintasun-printzipioa urratzen ez duen formula bat bilatzen ari gara"
Euskal Herriko Unibertsitateko (EHU) errektore Joxerramon Bengoetxeak Radio Euskadin adierazi duenez, euskara azterketa errekurritu zuten ikasleen alde hartutako kautelazko neurriak buruhaustea dakarkio Unibertsitateari. "Errekurtsoa jarri duten ikasleentzat pribilegioa ez den formula baten bila gabiltza", adierazi du.