Espainiako Gobernuak Armada bidaliko du Ceutara, sortu den "migrazio-krisian laguntzeko"
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal kai muturretik sartu dira, batzuk igerian eta beste batzuk kostaldetik oinez. Bertako agintariek emandako datuen arabera, gutxienez, 18 migratzaile hil dira.
Migrazio-krisia lehertu da Ceutan, azken orduotan milaka pertsonak Maroko eta Ceuta arteko muga kontrolik gabe zeharkatu ondoren. Azken aste honetan 2.000 herritar baino gehiago iritsi direla esan dute hango agintariek, gehienak, gazteak.
Egoerari buruz hitz egiteko, Espainiako eta Marokoko gobernuek bilera egin dute eguerdian. Besteak beste, adostu dute Ceutara legez kanpo sartu diren herritarrak berehala kanporatzea eta Marokora itzularaztea. Bi herrialdeen arteko koordinazioa indartzea ere erabaki dute, halako egoeren aurrean erantzun bateratuak emateko.
Agiri batean, Barne Ministerioak nabarmendu du Marokorekin duten elkarlana "eredugarria" dela alor guztietan, baita, migrazio gaietan ere, eta pertsonen legez kanpoko salerosketa sareen jarduna salatu du.
Testuinguru horretan, Barne eta Segurtasun ministerioek arratsaldean jakinarazi dute Armada bidaliko dutela Ceutara, Guardia Zibilari "laguntzeko" eta hiriko "segurtasuna bermatzeko".
Azken datuen arabera, gutxienez 18 migratzaile hil dira, Espainiara iritsi nahian.
Larrialdi egoera
Bestalde, Ceuta Hiriko Bozeramaileen Batzordeak —PP, PSOE, Vox, MDyC eta Ceuta Ya! taldeek osatzen dute—, Marokoko muga ixtea ere eskatu du, "premiaz eta berehala". Espainiako Armada bertaratzea galdegin du, egoerari aurre egiteko. Harrera zentroak gainezka daudela eta segurtasun neurriak areagotzea beharrezkoa dela nabarmendu dute.
Halaber, Juan Vivas Ceutako presidenteak Espainiako Gobernuari eskatu dio "larrialdi egoera" ezartzeko eta aginte bakarra hartzeko, eta horrekin batera, "lasaitasun mezua" igorri die herritarrei. "Ez da Ceutak hala egoera bati aurre egiten dion lehen aldia. Aurrekoetan bezala, heldutasun eta elkartasun eredu izango gara. Elkarrekin eta batuta aurre egingo diogu egoerari", esan du.
Barne Ministerioaren erantzuna
Azken horren inguruan, berehala etorri da Espainiako Gobernuaren erantzuna. Ez dute larrialdi egoera ezarriko Ceutan, eta ez du aginte bakarra hartuko. Fernando Grande-Marlaska Barne ministroak azaldu duenez, hondamendi naturalak eta teknologikoak ematen direnerako aurreikusita dagoen mekanismoa da larrialdi egoeraren deklarazioa, eta ez migrazio krisietarako.
Halere, ziurtatu du Espainiako Gobernuak eskura dituen baliabideak indartuko dituela, egoera bere onera ekartzeko.
Gaur goizean, Grande-Marlaskak Vivas presidentearekin hitz egin du, eta bihar goizean Ceutara joango dela iragarri du, egoera bertatik bertara ikusteko.
Zure interesekoa izan daiteke
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.
Chivitek agerraldia egingo du asteazkenean Nafarroako Parlamentuan, Belateko obren geldialdia dela eta
Legebiltzarreko Mahaiak premiazko bilkura finkatu du oposizioko hainbat taldek eskatuta, lanak erabat geldirik daudela eta 8,5 milioiko gainkostuaren ordainketa juridikoki blokeatuta dagoela.
Donostiak lore eskaintza batekin omendu ditu frankismoaren biktimak Memoria Historikoaren Egunean
Jon Insausti alkateak ekitaldian azpimarratu du "Donostia erreferentea da memoria demokratikoan", eta berretsi du gerraren eta diktaduraren ondorioz indarkeria, errepresioa eta erbestea jasan zutenei errekonozimendua eta ordaina emateko konpromisoa dutela.
Segurtasunaren gaineko azterketa sakona aldarrikatu du Diez Antxustegik, alarmismoetatik aldenduz
ETB1eko "Egun on Euskadi" saioan egin dioten elkarrizketan, Joseba Diez Antxustegi EAJren Eusko Legebiltzarreko bozeramaileak adierazi duenez, beharrezkoa da EAJk eta PSEk eskatutako batzar monografikoa egitea.
Lander Martinez: "Egia da aurrekontuak aurkeztu egin behar direla, eta gu horretan tinko egongo gara"
Sumarreko diputatuak Euskadi Irratiko "Faktoria" saioan nabarmendu du PSOEri beren eskariak mahai gainean jartzeko lanean ari direla. "Aurrekontuak aurrera joaten ez badira, pentsatu beharko dugu zer egin, baina aurrera ateratzen ditugun gauzekin uztailera arte heltzeko moduan gaude", adierazi du.
Pradalesek "erantzukizuna" eskatuko die alderdiei ostegun honetan, nazioartean dagoen ziurgabetasunari aurre egiteko
Lehendakariak gatazka geopolitikoen, inflazioaren eta eraldaketa teknologikoaren testuinguruan kokatuko du politika orokorreko osoko bilkura, eta euskal eredua defendatuko du zerbitzu publikoak, ekonomia eta ongizatea indartzeko bide gisa.
Eusko Legebiltzarreko politika orokorreko osoko bilkura, zuzenean
09:30etatik aurrera, Eusko Legebiltzarrak ikasturte politikoari hasiera emateko osoko bilkura egingo du.