Ekialde Hurbila

2024/07/28 - 21:34

Libanoren eta Israelen arteko gatazka fase berri batera igaro da Majdal Shamsen aurkako erasoaren ostean

Israelek bonbardaketak egin ditu Libano hegoaldean eta "erantzun gogorra" prestatzen ari da Hezbollahren aurka. Libanoko Gobernuak, baina, ez du uste Hezbollahren "eraso zuzen bat" izan denik. Bien bitartean, Golango gainetan, Majdal Shamsen, milaka lagunek hartu dute parte hildakoen hiletan.

2024/07/28 - 09:29

Gutxienez 12 pertsona hil eta dozenaka zauritu dituzte Libanotik Golango gainetara egindako erasoan

Suziri bat erori da herri druso bateko futbol zelai baten gainera, eta biktima gehienak haurrak eta gazteak dira. Israelek Hizbulari leporatu dio erasoa baina milizia xiitak erabat ukatu du bera izan denik. Gauean, Israelek Libano hegoaldeko hainbat herriren kontrako erasoa jaurti du.

2024/07/27 - 16:35

Gutxienez 30 pertsona hil ditu Israelek Gazako behin-behineko ospitale baten kontrako erasoan

Israelgo Armadak, gainera, ihes egiteko agindu die auzo batzuetako bizilagunei. Ia hamar hilabeteko erasoaldian, Israelek ia 40.000 pertsona hil ditu Gazako Zerrendan.

2024/07/27 - 12:50

UNRWAk babesa eskatu dio Segurtasun Kontseiluari Israelek erakunde terrorista izendatzeko planaren aurrean

Ekialde Hurbileko Palestinar Errefuxiatuentzako Nazio Batuen Agentziaren aurkako legea onartzen hasi da Israelgo Parlamentua.

2024/07/26 - 10:35

Harrisek babesa helarazi dio Netanyahuri, eta su-etena eskatu dio Gazako sufrimenduarekin bukatzeko

AEBko presidenteordea Israelgo lehen ministroarekin bildu da, hura Joe Bidenekin egon ostean. Harrisek esan du ezin dela onartu "hildako haurren irudiak" egotea. "Gerra hau amaitzeko ordua da", gaineratu du.

2024/07/24 - 21:02

Protesta jendetsuak Washingtonen, Netanyahuren bisitaren aurka

Milaka manifestari bildu dira AEBko Kapitolioaren inguruan, Benjamin Netanyahu Israelgo lehen ministroak hitzaldi bat emango baitu. Diskurtsoa ekiditeko eta Gazan egindako gerra krimenengatik agintariaren "atxiloketa zibila" egiteko asmoz batu dira.

2024/07/21 - 19:28

Al-Hudaida hiriko portua sutan dago oraindik

Israelek larunbatean Al-Hudaida (Yemen) hiria bonbardatu ondoren, portuak sutan jarraitzen du. Oraindik ez dute zabaldu zenbat pertsona hil eta zenbat zauritu diren.

2024/07/21 - 17:01

Huthien buruzagiak Israelen aurkako borrokan fase berri baten hasiera iragarri du

Sayed Abdulmali Al Huthik adierazi duenez, ostiralean Tel Aviven kontra egindako lehen erasoak aro berri bat abiatu du Gazako herritarren aldeko kanpainan.

2024/07/21 - 00:19

Israelek Al-Hudaidako portua bonbardatu du Yemenen, huthiek Tel Aviven egindako erasoari erantzunez

Hiru hildako eta 87 zauritu larri daude gutxienez, asko erredura larriekin. Israelen erasoak matxino huthientzat Irandik armak inportatzea eragotzi nahi izan du. Hezbollahren arabera, eraso honek "eskualde osoan garrantzi handiko konfrontazio fase berri eta arriskutsu baten hasiera" ekarriko du.

2024/07/18 - 14:45

Von der Leyenek Defentsa, Etxebizitza eta Mediterraneorako komisarioak agindu ditu, berriro hautatzen badute

Gainera, klima-egokitzapenerako egitasmo bat eta uraren erresilientziarako estrategia bat iragarri ditu bere bigarren agintaldiko lehen tasun bezala. Bestalde, Europako aireko ezkutu bat bultzatzeko asmoa azaldu du.

2024/07/15 - 19:44

Israelek Gazako eremu humanitario batean egindako eraso batek 141 hildako eta ehunka zauritu eragin ditu

Israelgo aire eraso batek gutxienez 141 palestinar hil eta 400 zauritu ditu, horietako batzuk egoera kritikoan, Al Mawasi inguruan, Gazako zerrendaren hegoaldean. Israelgo armadaren arabera, bonbardaketa Hamaseko goi-agintari baten aurka egin dute.

2024/07/14 - 18:03

Gutxienez 13 hildako Israelek NBEren eskola baten kontra egindako erasoan

Gainera, goizaldean beste 17 lagun hil ditu Israelek Gaza Hirian egindako hainbat erasotan. Israelek larunbatean Al Mawasin egindako erasoaren aurrean, Antonio Guterres NBEko idazkari nagusiak gaitzetsi egin du "zibilen sarraskia".

2024/07/14 - 00:22

Netanyahuk dio ezin dutela ziurtatu jopuntu zituzten Hamaseko buruzagiak gaur goizeko erasoan hil direnik

"Oraindik ezin dugu baieztatu Mohamed Deif eta haren albokoa, Rafaa Salameh, hil direnik", esan du Israelgo lehen ministroak. Hamasek bertan ez zuela bahiturik jakin ostean baimendu zuen erasoa Netanyahuk. Hamasen arabera, Mohame Deif bizirik dago.

2024/07/13 - 21:56

Israelek Khan Yuniseko eremu humanitario baten aurka egindako erasoan hil edo zauritu direnen kopuruak gora

Gazako osasun sailaren arabera, 90 dira, oraingoz, hildakoak eta ia 300 zaurituak, baina kopuru horiek okerrera egingo dute, zaurituetako asko larri baitaude.

2024/07/12 - 22:45

Israelek lau langile humanitario hil ditu Khan Yunisen, GKE baten biltegi baten kontra egindako erasoan

Londresen egoitza duen Al Jair Fundazioak baieztatu duenez, bere beharginetako bat, Hosam Mansur, Al Mawasi hirian airez egindako eraso batean hil da. Al Jazira katearen arabera, gobernuz kanpoko erakunde bereko beste hiru langile hil dira bonbardaketaren ondorioz.

2024/07/12 - 17:59

Gazako agintariek 60 gorpu aurkitu dituzte Tal al Hawa auzoan

Azaldu dutenez, hondakinen azpian aurkitu dituzte gorpu gehienak, tropa israeldarrak auzotik atera ondoren. Talde horiek atzo beste 60 gorpu aurkitu zituzten Shujaiya auzoan.

2024/07/11 - 19:56

Israelek su-eten bat negoziatzen jarraitzen du, palestinarrei Gaza Hiria husteko agintzen dien bitartean

Israelgo Armadak Gaza Hiriko Shujaiya auzoa guztiz suntsitu du. Era berean, Gazako hiriburuan erasoaldi gogorra egiten ari da, eta palestinarrak Zerrendaren erdialdera alde egitera behartzen ari dira.

2024/07/10 - 13:47

Gutxienez 30 pertsona hil dira Israelek Gazako eskola baten aurka egindako bonbardaketan

Jan Yunis hiriko eskola batean zeuden desplazatuen aurka "sarraski izugarria" egitea leporatu diote agintari gazatarrek Israelgo Armadari. Israelek, berriz, erasoaren helburua Hamaseko kide bat zela eta ikerketa abiatu duela iragarri du.

2024/07/09 - 22:36

Israelek gutxienez 29 pertsona hil ditu eskola baten aurka egindako eraso batean, Khan Yunisen

Gainera, gutxienez 30 bat pertsona, gehienak zibilak, hil dituzte azken orduetan Gazako Zerrendaren erdialdeko errefuxiatu-eremuetan. Israelgo Armadak Gaza hiria ere setiatu du.

2024/07/07 - 22:58

Su-etena, bahituen itzulera eta hauteskundeak aurreratzea eskatzeko protestak Israelen

Bederatzi hilabete gerran eman ostean, manifestari israeldarrek protestak deitu dituzte herrialde osoan. Egunsentian hasi dira Israelgo hainbat tokitan egungo koalizio gobernuko ministro eta diputatuen etxebizitzen aurrean protestak eginez.