Gazan su-etena lortzeko negoziazioak, azken txanpan
Gazan su-etena lortzeko negoziazioek zabalik jarraitzen dute Dohan (Qatar), Ameriketako Estatu Batuen bitartekaritzarekin, eta akordioa inoiz baino gertuago egon liteekela onartu dute aldeek.
"Azken xehetasunen faltan", akordioa "gertu" dagoela iragarri du Qatarreko Atzerri Ministerioaren bozeramaileak, asteroko prentsaurrekoan. Azaldu duenez, su-etena indarrean sartzeko mekanismoak adostea falta da.
Hedabideetara egindako filtrazioen arabera, su-etenerako eta bahituak eta presoak trukatzeko akordioak hiru fase izango ditu, eta Gazako Zerrenda berreraikitzea eta gobernu berria osatzea ere jasoko du.
Hamas ere ildo beretik mintzatu da, eta akordioa gertu egon daitekeela onartu du. Are gehiago, ez du baztertu iragarpena hurrengo orduetan edo asteazkenean egitea.
Israelgo Gobernuko funtzionario anonimo batek ere onartu du azken egunetan aurrerapauso "nabarmenak" egon direla eta negoziazioak momentu erabakigarrian daudela.
Donald Trump Ameriketako Estatu Batuetako presidente hautetsia akordioa berak kargua hartu aurretik lortzeko presioa egiten ari da. Azaldu duenez, akordioa aste honen amaieran heldu daiteke.
Orain arte aldeek adostutako su-eten bakarrak (2023ko azaroan) astebeteko iraupena izan zuen, eta Hamasek 105 bahitu askatzearen truke 240 preso palestinar askatu zituen Israelek.
Hamasek 2023ko urriaren 7an egin zuen erasoan 1.200 pertsona inguru hil zituen Israelen. Geroztik, Israelek Gazako Zerrendaren aurka zuen setioa gogortu eta oldarraldia bizitu du, 46.645 hildako eta 110.012 zauritu eraginez, Gazako Osasun Ministerioak zabaldutako azken datuen arabera.
Hala ere, The Lancet aldizkari zientifiko britainiarrak ostiral honetan argitaratutako ikerketa batek ohartarazi du hildakoen kopuru ofiziala Gazako agintariek zabaldutakoa baino % 41 handiagoa izan daitekeela. Are gehiago, lehendabiziko bederatzi hilabeteetan —2023ko urriaren 7tik 2024ko ekainaren 30era— 64.260 pertsona hil dira, Gazako agintariek erregistratutako kopuruaren askoz gehiago.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".