Netanyahuk ohartarazi du ez dela su-etenik izango Hamasek askatuko dituen bahituen zerrenda argitaratu arte
Benjamin Netanyahu lehen ministroaren bulegoak ohartarazi duenez, ez diote su-etenari ekingo (08:30ean hasi behar zen, Euskal Herriko 07:30ean) eta ez dituzte hainbat preso palestinar askatzeko beharrezkoak diren prestaketak hasiko (hala adostu zuten Hamasekin su-eten akordioan), talde islamistak ere askatu beharko lituzkeen hiru bahituen izenak jakinarazten ez dituen bitartean.
"Ez dugu eskemarekin aurrera egingo askatuko dituzten bahituen zerrenda jaso arte, adostutakoaren arabera. Israelek ez du akordioaren urraketarik onartuko", adierazi dute. "Erantzukizun bakarra Hamasena da", azpimarratu du Benjamin Netanyahu Israelgo lehen ministroaren bulegoak.
Israelgo Justizia Ministerioak igande honetan askatuko dituzten 95 palestinarren izenak argitaratu zituen ostiralean, Gazako su-eten akordioaren lehen fasean zehazten den bezala, hiru bahitu israeldarren truke, guztiak emakumeak.
Hamasek izen horiek Qatarko bitartekariei helarazi beharko lizkieke, eta horiek Israelgo Kanpo Inteligentzia Zerbitzuko (Mossad) buru David Barneari jakinaraziko lizkiokete, harek familiekin hitz egin dezan, baina Netanyahuren bulegoak adierazi du oraindik ez dutela informaziorik jaso.
Hamasek dio akordioarekin bat egiten jarraitzen duela, baina "arrazoi teknikoak" argudiatu ditu askatu beharreko bahituen izenak adostutako ordurako eman ez izana justifikatzeko.
Ben Gvirren alderdiak iragarri du Israelgo Gobernua utziko duela igandean, Hamasekin lortutako akordioa salatzeko
Bestalde, Itamar Ben Gvir Segurtasun Nazionaleko ministroa buru duen Botere Judua alderdiko hiru ministroek dimisioa aurkeztuko dute igandean, eta Israelgo Gobernua utziko dute Hamas Erresistentzia Islamikoaren Mugimenduarekin lortutako su-eten akordioaren aurka protesta egiteko.
Benjamin Netanyahu lehen ministroaren gobernuak aurrera jarrai dezake Botere Judua koaliziotik irten arren, baina ez eskuin-muturreko beste alderdi handi batek, Alderdi Sionista Erlijiosoak, ere uko egingo balio. Alderdi hori ere akordioaren aurka dago. Ikusteko dago hurrengo egunetan zer gertatzen den.
Gazako bahituen senideek lehen fasearen ondoren gerrari berriro ez ekiteko eskatu diote Netanyahuri
Bestalde, oraindik Gazan dauden 98 bahituen senideek "premiazko deia" egin diote larunbat honetan Benjamin Netanyahuri, igandean hasiko den su-eten akordioaren fase guztiak garatzen direla bermatzeko, gatibu guztiak askatzeko eta 42 egun igaro ondoren gerrari ez berrekitea eskatzeko.
"Guk, 98 bahituen familiek, ongietorria ematen diogu bahitu guztiak etxera ekartzeko akordioari. Aurrerapen esanguratsua eta erabakigarria da, bahitu guztiak etxera itzultzen ikusiko ditugun unera hurbiltzen gaituena", esan du Bahituen eta Desagertuen Senideen Foroak.
Su-eten zirriborroaren arabera, lehen fasean 33 bahitu askatuko dituzte (19 urtetik beherakoak, 50 urtetik gorakoak, gaixoak eta emakumeak) preso palestinarren truke, eta bigarren fase batean, zibilak eta soldaduak, guztiak gizonak.
Zure interesekoa izan daiteke
Tentsioa Bruselan, Von der Leyenek “jada existitzen ez den” mundu-ordenaz esandakoengatik
Erkidegoko iturriek zehaztu dutenez, bere diskurtsoaren helburua ez zen arauetan oinarritutako sistemarekiko errespetua lurperatzea, baizik eta azpimarratzea, gero eta gatazkatsuagoa den mundu honetan, EBk ezin dituela babes horiek baliatu bere interesak defendatzeko bide bakartzat.
Mundua Ormuzera begira dagoen bitartean, gatazkaren egunik "bortitzena" bizi izan dute Iranen eta Libanon
Bonbardaketak areagotu egin dira Iranen eta Libano hegoaldean, eta, dagoeneko, 1.250 hildako zenbatu dira, gehienak zibilak. Oraingoz, aldeek ez dute negoziatzeko asmorik agertu, nahiz eta Txinak eta Errusiak gatazka baretzea eskatu duten. Bien bitartean, Trumpek adierazi du Iranek minak jarri dituela Ormuzeko itsasartean eta, ez kentzekotan, "inoiz ikusi gabeko ondorioak" egongo direla mehatxu egin du.
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.
G7ko Energia ministroak gaur bilduko dira Ekialde Hurbileko gatazkak eragindako krisia aztertzeko
AEBko, Kanadako, Japoniako, Frantziako, Italiako, Alemaniako eta Erresuma Batuko Energia ministroak modu birtualean bilduko dira astearte honetan, Irango gerrak eragindako hornidura-etenari buruz hitz egiteko eta petrolio erreserbak merkaturatuko dituzten eztabaidatzeko.
Honela zabaldu da Iranen aurkako gerra: zein herrialdetan du eragina?
Israelek eta AEBk otsailaren 28an Irani egindako erasoaldi militarrak eta ondoren errepublika islamiarrak Ekialde Hurbileko 15 herrialderi eman zien erantzuna. Iranek 1.200 hildako eta 12.000 zauritu zenbatu ditu dagoeneko, eta Libanon 400 hildako baino gehiago izan dira. Persiako golkoko 12 herrialdek Khameneiren erregimenaren erasoak salatu dituzte.
Trumpek dio Irango gerra "ia amaituta" dagoela
Halaber, buruzagi errepublikanoak ziurtatu du Ormuzeko itsasartea zabalik dagoela, eta ontziak hasi direla bertatik igarotzen. Pasabide horren kontrola hartzea aztertzen ari dela gaineratu du.
Persiar golkoa, erabat paralizatuta
Ekialde Hurbileko gerrak aurrera jarraitzen du, eta Iranek, oraingoz, ez du neke zantzurik ematen. Golkoko herrialdeak Israelen eta AEBren aliatu diren inguruko herrialdeen aurkako erasoekin jarraitzen du, krisi ekonomiko globala sortzeko helburuarekin.
Martin Izagirre, Ormuzen blokeatutako gas-ontzi bateko ofiziala: "Tentsioa oso handia da, eztandak entzuten ditugu"
Martin Izagirrek 26 urte ditu, gas-ontzi bateko bigarren ofiziala da egun eta, dagoeneko, 50 aldiz zeharkatu du Ormuzeko itsasartea. Otsailaren 26tik, bere ontzia Persiar golkoan dago ainguratuta, Iraken parean. Iranen erasoengatik Ormuz itxi zenetik, itsasartea blokeatuta dago, eta milaka ontzi daude harrapatuta alde bietan. Izagirrek egoera nola bizitzen ari diren azaldu dio ETBri.
Macron: "Ormuzko itsasartea pixkanaka irekitzeko defentsa-misio bat martxan dago"
Misio hori "herrialde europar eta ez europarrekin" egin beharko litzateke, "behin gatazkaren faserik kritikoena amaitutakoan". Estatuburuak zehaztu duenez, planak "laguntza helburu baketsua" izango luke, eta hainbat ontzi mota "eskoltatzea" izango litzateke bidea, "gasa eta petrolioa" berriro Ormuzetik igaro ahal izateko. Bestetik, G7 herrialdeek ez dute momentuz erreserban daukaten petrolioa askatuko, nahiz eta ez duten baztertzen etorkizunean erabaki hori hartzea.