Ertzaintza
2025/02/16 - 18:33
Aske geratu dira sexu-eraso bat egotzita Durangon atxilotutako bi gizonezkoak
Erasoa larunbat goizaldean gertatu da, Askatasun Etorbidean, eta atxilotuak epailearen aurrera eraman dituzte. Udalak adierazpen instituzionala kaleratu du erasoa gaitzetsi eta "biktimari elkartasun eta babes osoa" adierazteko.
2025/02/13 - 14:37
Gizon bat atxilotu dute Gasteizen beste bati arma zuri batekin aurpegian zauriak egitea egotzita
Erasoa bart jazo da, 21:00ak aldera, Andaluzia kaleko taberna batean (Arana auzoan). Tabernaren arduradunak labanaz eraso dio bezero bati. Atxilotutakoa datozen orduetan eramango dute epailearen aurrera.
2025/02/12 - 13:02
4 urteko kartzela zigorra eskatu dute Errenterian hankartean kokaina ezkutatuta zeramatzan atxilotuarentzat
Fiskaltzaren testuaren arabera, auzipetuak droga hirugarrenei saltzeko edo helarazteko erabiliko zuen, eta, hala, legez kanpoko etekina lortzeko. 5.083 euroko balioa zuen atzemandako drogak.
2025/02/09 - 12:17
Lau atxilotu Gipuzkoan Blood bandako gazte talde bortitz bat desegiteko operazioan
Ertzaintzako agenteek Polizia Nazionaleko agenteekin batera egindako operazioan, arma zuriak, suzko arma simulatuak, drogak, eskudirua eta taldearen berezko sinbologia duen parafernalia atzeman dituzte.
2025/02/09 - 12:05
Gipuzkoan eta Madrilen jarduten zuen gazte talde bortitz bat desegin dute
Bost pertsona atxilotu dituzte, lau Gipuzkoan, eta matxeteak, katanak, labanak, arma faltsuak eta abar atzeman dizkiete.
2025/02/08 - 18:57
Indar Baskoniak Ertzaintzaren indarkeria ''desproportzionatua'' salatu du
'Palestina askatu' zioen pankarta konfiskatu zietela salatzeaz gain, kide batzuek ertzainen partetik tratu txarra jaso zutela salatu dute gaur Gasteizen egin duten agerraldian. Maccabiren presentziak dakarren "salbuespenezko egoera eta segurtasun-neurri desproportzionatuak" ere salatu dituzte.
2025/02/08 - 18:16
Lezeko kobazuloaren gailurrean harrapatuta zeuden bi mendizale erreskatatu ditu Ertzaintzak
Izotzez eta elurrez betetako harkaitz eremu batean harrapatuta geratu dira 51 urteko emakumea eta 48 urteko gizona. Larrialdi zerbitzuei deitu diete, eta autoa aparkatuta zuten lekuraino eraman ditu Ertzaintzako helikoptero batek.
2025/02/08 - 17:55
Bilboko adingabe batek salatutako sexu-erasoa ikertzen ari da Ertzaintza
16 urteko adingabea urtarrilaren 24an desagertu zen zaborra jaistera jaitsi eta gero, eta 24 ordu geroago agertu zen. Biktimak salatu duenez, Zorrotzaurreko pabiloi batean atxikita eduki zuen gizon batek. Ertzaintzak baditu ustezko erasotzailearen irudiak.
2025/02/05 - 22:02
Ertzainak Gatazkan kolektiboak iragarri du jarduteari utzi eta 2026ko hauteskunde sindikalei begira dagoela
Kolektiboak ErNEk, ESANek eta SIPEk sinatutako aurreakordioa kritikatu du, "inola ere ez dutelako gehiengoa ordezkatzen", eta dagoeneko "agortuta" eta "iraungita" daudela uste baitu.
2025/02/05 - 14:46
Bi gizonek eraso homofobo fisikoa salatu dute Bilbon
Erasoa Bilboko Goienkalen jazo zen ostiral gauean, eta salaketa aurkeztuta, Ertzaintza gertatutakoa ikertzen ari da. Nerea Melgosa sailburuak irmo gaitzetsi du erasoa, Jaurlaritzaren izenean.
2025/02/03 - 13:33
Ertzaintzak Bilboko eta Pasaiako portuetan jardungo du gaurtik aurrera, funtzio berriekin
Aurrerantzean, portuetan bertan eta sarbide mugatuko eremuetan herritarren babesaz, bide segurtasunaz eta itsas eta aire espazioaren kontrolaz arduratuko dira Ertzaintzaren agenteak.
2025/02/01 - 18:05
Gizon bat atxilotu dute Bilbon, beste bati lapurreta egin eta labanaz zauritzeagatik
Indarkeriaz egindako lapurreta egotzi diote 22 urteko erasotzaileari. Santutxuko metroaren irteeran eraso dio biktimari, lapurreta egiten saiatu da eta hiru labankada eman dizkio.
2025/01/25 - 17:34
Bi pertsona atxilotu eta bost zigortu dituzte Lantaronen, auto lasterketa ilegalak antzemateko kontroletan
Urtarrileko ostiraletan egindako kontroletan, 35 ibilgailu eta 51 lagun identifikatu ditu Ertzaintzak.
2025/01/22 - 18:14
ERNE, ESAN eta SIPE sindikatuen afiliatuek Segurtasun Sailarekin lortutako akordioa bozkatuko dute
ERNE, ESAN eta SIPE sindikatuek babestu dute akordioa, hau da, ordezkarien hiru laurden dituzten sindikatuek. Orain akordioa sindikatu horietako afiliatuek bozkatu beharko dute.
2025/01/22 - 17:07
Bingen Zupiria: ''Aurreko urteetan izan diren elkarrizketen emaitza da gaur lortutako akordioa''
Segutasun sailburuaren esanetan, Eusko Jaurlaritzak eta sindikatuek gaur erdietsi duten akordioaren helburua "Euskadi gero eta herri seguruagoa izatea eta herritarrak gero eta seguruago senti daitezen" da.
2025/01/22 - 16:17
Adostu dituzte Ertzaintzan 13 urteko gatazkari buru emango dion akordioaren oinarriak
Lehen aldiz sinatuko dute hitzarmena 2012az geroztik, soldata-igoera orokorrarekin eta produktibitate berriekin. Orain akordioa ERNE, ESAN eta SIPE sindikatuetako afiliatuek bozkatu beharko dute. Euspel sindikatua eta 'Ertzainak borrokan' kolektiboa akordioaren aurka agertu dira.
2025/01/21 - 18:14
Bi gizon atxilotu dituzte Barakaldon, etxebizitza bat lapurtzetik ateratzean
Joan den astelehenean, 10:00ak aldera, Barakaldoko bizilagun batek Ertzaintzarekin hitz egin zuen, lapurretaren berri emateko. Ertzainak haren atarira sartu ziren, eta bi gizon aurkitu zituzten lehen solairuaren parean, eskaileretatik presaka jaisten.
2025/01/18 - 14:15
Etxebarriko alkatea eta alkate ohia ikertzen ari dira 'gezurrezko polizia'ren kasuagatik
La Voz del Pueblo talde independentekoak dira biak, eta taldeak adierazi du "erabat ezustean" harrapatu dituela neurriak, alkateek kontratazio prozesuak "berretsi" besterik ez dutelako egin.
2025/01/17 - 18:33
Arratsalde hasiera kaotikoa N-Iean Andoainen eta Leioako errepidean, zenbait istripuren ondorioz
Hamar ibilgailuren arteko istripu batek hiru zauritu utzi ditu 14:25 aldera N-I errepidean, Andoain parean. Bestalde, txapazko bi istripu ia aldi berean gertatu dira 14:20ak aldera, eta auto-ilarak sortu dira BI-634n, Bilborako noranzkoan.
2025/01/16 - 18:03
Gizon bat atxilotu dute Basaurin, autoan zihoala, beste gidari bati pistola batekin mehatxu egiteagatik
Modu aldrebes eta arriskutsuan gidatzen ari zen atxilotua eta haren atzetik zihoan gidariak argiekin keinu egin zion. Lehenak, orduan, pistola atera zuen leihotik, airera tiro egin eta atzean zihoana metxatu zuen. Bertaratu ziren ertzainei ere oldartu zitzaien, baita heriotza mehatxuak egin ere.