Psoe
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak adierazi du kezkatuta dagoela egoera politikoa dela eta, are, eskatu du ikerketa azken bururaino eramatea. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.
EAJ 'Koldo auzia'ri buruzko informazio gehiago izateko zain dago, erabaki bat hartu aurretik
Iñigo Ansola EAren Bizkaiko presidenteak adierazi duenez, Santos Cerdan PSOEko Antolakuntza idazkari ohia kartzelan sartu ostean, EAJ informazio gehiago izateko eta Pedro Sanchezek Kongresuan egitekoa den agerraldiaren zain dago, "egoera aztertzeko eta hurrengo pausuak erabakitzeko".
Sumar PSOErekin bilduko da koalizioa aztertzeko, asteazkenean
Demokrazia biziberritzeko eta Espainiako Gobernuaren agenda soziala bultzatzeko neurriak eskatuko dizkio Sumarrek PSOEri.
PPk Sanchezen bazkideekin bilera erronda egingo du, PSOE babesten jarraitzen duten jakiteko
"Bere bigarrenak espetxean egin du lo, baina Sanchezek jarraitu nahi du. Zentzugabekeria da", ohartarazi du PPren buruak, X sare sozialean zabaldutako mezu batean.
Zergatik uste du epaileak Cerdanek “egozten zaizkion gertakarietan” parte hartu zuela? Atzemandako zantzuak, hemen
Ikerketa egiten ari den Leopoldo Puente epailearen iritzian, sozialisten buruzagi ohia “arduratzen zen eraikuntzako enpresei dirua eskatzeaz”. “Nolabaiteko nagusitasunezko harreman bertikala zeukan Abalosekin eta Garciarekin”, dio ebazpenean, eta uste du haiei ematen ziela jasotako dirua.
Sanchezek dio Cerdanekin irmo jokatu zutela, eta orain justiziaren garaia dela
Alderdiak erantzukizun politikoak bere gain hartu zituela eta Cerdan alderditik baztertu zutela azpimarratu Espainiako presidenteak. Ikuspuntu politikoaren harira, esan du PSOEren jarrera beste alderdi batzuenarekin konparatuta "alde handia" dagoela esan du. Feijook Sanchezen dimisioa eta hauteskundeak aurreratzea eskatu du berriro.
EAJk ez du onartu, "inolaz ere", alderdia Cerdan, Abalos eta Koldoren auziarekin lotzea
Alderdi jeltzaleak argitu duenez, zentsura-mozioa babestu zuen 'Gurtel auzi'ko epaiaren ostean, PPk ez zuelako erantzukizunik bere gain hartu. Gainera, argi utzi nahi izan dute Antxon Alonsok ez zuela horretan eraginik izan.
Santos Cerdan behin-behinean espetxera bidali du Auzitegi Gorenak
Autoaren arabera, Cerdanek jasotzen eta banatzen zituen legez kanpoko eskupekoak. Bera omen zen enpresekin bitartekari aritzen zena. PSOEko buruzagi ohia Madrilgo Soto del Real presondegian espetxeratu dute dagoeneko.
Chivitek azpimarratu du UCOren txostenak ez duela Belateko tunelen obren esleipena aipatzen
Nafarroako presidenteak, UPNren eta PPNren galderei erantzunez, gogorarazi du Nafarroako Kontuen Ganberaren txostenean ere ez zela zalantzan jarri esleipena.
Cerdanek eskupekoak jaso izana ukatu du, eta esan du jazarpenaren biktima dela EAJrekin eta EH Bildurekin negoziatzeagatik
PSOEko Antolakuntza idazkari ohiak Auzitegi Gorenean deklaratu du astelehen honetan. Ustelkeriaren Aurkako Fiskaltzak Leopoldo Puente magistratuari eskatu dio Cerdan behin-behinean espetxeratzea, fidantzarik gabe.
Santos Cerdan Auzitegi Gorenean dago, eroskeria kasuagatik deklaratzeko
Santos Cerdan PSOEko antolakuntza idazkari ohia Auzitegi Gorenean dago jada, ikertu gisa deklaratzeko, lehen aldiz, Jose Luis Abalos Garraio ministro zela obra publikoetan esleipen irregularraren truke eskupekoak banatzeko sarean nahastuta omen dagoelako.
Albiste izango dira: Bero bolada, Basque Segurtasun Foroa eta Santos Cerdanen deklarazioa Auzitegi Gorenean
Gaurkoan albiste izango direnen laburpena, bi hitzetan.
Cerdanek epailearen galderei erantzun beharko die astelehenean, UCOren txostenaren ostean
10:00etarako jarri diote hitzordua. Ikusmin mediatiko handiaren erdian agertuko da Santos Cerdan Auzitegi Gorenera, Guardia Zibilaren Unitate Zentral Operatiboak (UCO) ekainaren 12an egindako txostena eta Jose Luis Abalos ministro ohiarekin eta haren aholkulari ohi Koldo Garciarekin batera egindako audioak publiko egin zirenetik gertatutakoek harrabotsa sortu baitute.
Amnistia Legea "ezarriz gero" PSOEri botorik ez emateko mehatxua egin du Felipe Gonzalezek
Espainiako Gobernuko presidente ohiaren ustez, araua "barrabaskeria" izateaz gain, "lotsagarria" da edozein demokratarentzat. Eskuinaren "argumentarioa erostea" leporatu dio Patxi Lopezek Gonzalezi, eta alderdian zer egiten duen planteatzeko eskatu dio.
Belarrak NATOtik ateratzeko eskatu du
Ione Belarra Podemosen idazkari nagusiak uste du Pedro Sanchezek "Azoreetako argazkia" egingo duela asteazken honetan Donald Trump AEBko presidentearekin eta Ursula von der Leyen Europako Batzordearen presidentearekin, NATOk Defentsarako gastua handitzeko egin duen goi-bileran. Maria Jesus Montero Espainiako Ogasun ministroak Gobernuaren aurkako "jarrera kritikoa" aurpegiratu dio.
Liskarra Kongresuan, Monterori gezurti deitu ostean: "PPko diputatuak, jabetzen al zarete zer irudi helarazten diezuen herritarrei?”
Diputatuen Kongresuko Osoko Bilkurak tentsio handiko unea bizi izan du asteazken honetan, Maria Jesus Monterok hitz egin ostean, PPren diputatu batek "gezurti "deitu baitio.
Gertakariaren ondorioz, Kongresuko presidenteak saioa eten behar izan du une batez, eta parlamentari popularrei jarrera aldatzeko galdegin die.
UCOren arabera, Cerdanek Servinabarren % 45 erosi zuen 6.000 euroren truke
Salerosketa kontratua 2016ko ekainaren 1ekoa da, eta Antxon Alonsok zituen 3.000 partaidetzetatik 1.350 erosi zituen Santos Cerdanek, bakoitzak euro bateko balioarekin. Guardia Zibilaren UCOk gaur bidali dio agiria Gorenari.
PSOE eta bere bazkideek onartu egin dute 78ko sanferminetako gertakariak desklasifikatzeko EH Bilduk egindako eskaera
PPk eta Voxek PSOEri leporatu diote EH Bildu "zuritzeko" operazioa egitea. Ekimenaren bozketa ostegunean egingo da.
Cerdanek Gorenari eskatu dio datorren astelehenean egingo duen adierazpena zuzenean emititzea
Benet Salellas abokatuak argudiatu du beharrezkoa dela agerraldia jendaurrean emititzea ahabildetzea, kasuaren garrantzia eta Cerdanek jasaten duen epaiketa paraleloa kontuan hartuta.