UCOren arabera, Cerdanek Servinabarren % 45 erosi zuen 6.000 euroren truke
Salerosketa kontratua 2016ko ekainaren 1ekoa da, eta Antxon Alonsok zituen 3.000 partaidetzetatik 1.350 erosi zituen Santos Cerdanek, bakoitzak euro bateko balioarekin. Guardia Zibilaren UCOk gaur bidali dio agiria Gorenari.
Espainiako Polizia Santos Cerdan buruzagi sozialista ohiaren etxean izan da gaur. Argazkia: EFE
Guardia Zibilaren UCOk Koldo auzia ikertzen ari den Auzitegi Goreneko epaileari igorri dio Santos Cerdan PSOEko Antolakuntza idazkari ohiak 2016an Servinabar enpresaren % 45 bereganatzeko egindako kontratua, 6.000 euroren truke.
Kontratuak lau orrialde ditu, guztiak Cerdanek eta konpainiaren jabeak, Antxon Alonsok, sinatuak, Servinabarreko azken zigiluarekin.
Salerosketa kontratua 2016ko ekainaren 1ekoa da, eta Cerdanek 1.350 partaidetza erosi zituen, Alonsok zituen 3.000tik, bakoitza euro bateko balioarekin.
UCOk eskritura hori aipatu zuen Cerdanen dimisioa eta ondorengo inputazioa ekarri zuen txostenarekin batera zeuden frogetan, baina ez zuen aurkeztu Antxon Alonsoren etxean egindako miaketan aurkitutako agiria.
Hori dela eta, ikertuaren defentsak epaileari eskatu zion, eta epaileak Guardia Zibilari. Gorenak gaur jaso du Guardia Zibilak bidalitako dokumentua.
Bestalde, Cerdanen defentsako iturriek azaldu dutenez, UCOk aurkitutako dokumentua jaso dute azkenean.
Iturri horien arabera, agiria "soilik kontratu pribatu bat da, publiko bihurtu ez zena", eta, beraz, "ez zuen eta ez du inolako eragin juridikorik".
Azken batean, Servinabarrek duela egun batzuk komunikabideei jakinarazi ziena berresten dela uste dute: "Santos Cerdan ez zen inoiz enpresa horretako kide izan, eta ez du inoiz Servinabarren jardueratik eratorritako dirurik kobratu". 2016an, Servinabarren helburu soziala ez zen gaur egun duen bera, gaineratu dutenez.
Azkenik, asteleheneko deklarazioan Santos Cerdanek dokumentu horri buruzko azalpenak emango dituela iragarri dute.
Zure interesekoa izan daiteke
Pradalesek diasporako gazteei esan die "Euskadiren ezinbesteko parte" direla
Imanol Pradales lehendakaria Euskal Herriko eta diasporako (AEB, Kanada, Argentina, Uruguai eta Australia) 200 gazte ingururekin elkartu da Tolosan, euskal komunitate globalaren erronken inguruan hausnartzeko. Gaztemunduri Ateak Ireki programako eta EuskarAbentura espedizioko gazteek hartu dute parte topaketan.
PSE-EEren eta EAJren arteko enegarren polemika, euskara dela eta
Eneko Anduezak Voxek eta PPk defendatzen duten lehentasun nazionalarekin parekatu du EAJk eta EH Bilduk adostutako Enplegu Publikoaren Legearen erreforma.
EAJ-PSE "koalizioa osasuntsu" dagoela azpimarratu du Antxustegik, "egunero akordioak lortzeko gaitasuna" duelako
PSErekin izandako azken ika-mika baretu nahi izan du Joseba Diez Antxustegi EAJren Eusko Legebiltzarreko bozeramaileak, eta Eneko Andueza buruzagi sozialistak esandakoak "komunikabideen ingurura eta hauteskunde-kanpainara" mugatu ditu, "oraindik hilabete asko falta badira ere".
Aizpurua (EH Bildu): “Euskara menpeko da, eta berdintasunean egotea eskatzen dugu. Ez dago lehentasun nazionalik"
Mertxe Aizpuruak, EH Bilduren Kongresuko bozeramaileak, kritikatu egin du Eneko Andueza sozialisten idazkari nagusiak “lehentasun nazionalaz” esandakoa, EAJ eta EH Bildu PP eta Voxekin parekatu baititu. “Euskara menpeko da, eta berdintasunean egotea eskatzen dugu. Ez dago lehentasun nazionalik”.
Aitor Estebanek "antzezpen hutsa" dela dio Anduezak PSE-EEren Batzorde Nazionalean eginiko diskurtsoa
EAJko presidente Aitor Estebanen ustez, "antzezpen handiegia" izan da Eneko Anduezarne, PSE-EEko idazkari nagusiaren, diskurtsoan. Izan ere, Radio Euskadiko 'Ganbara' saioan egindako adierazpenetan, Estebanek esan du Anduezak badakiela ez dela Enplegu Publikoaren Legearen aurka jarri behar. Horren harira, Estebanek dio sozialisten idazkari nagusia jada hauteskunde kanpainari begira dagoela. Jatorrizkoa: Gaztelaniaz.
UPNk Jose Javier Mugica gogoratu du, ETAk hil zuela 25 urte bete direnean
25 urte bete dira ETAk Jose Javier Mugica UPNko zinegotzia hil zuenetik, Leitzan. 59 urte zituen. Gaur, alderkideek antolatuta, omenaldia egin diote Leitzan bertan. Lore-eskaintza egin dute, haren omenez jarrita dagoen plakaren aurrean.
Anduezak "lehentasun sozialaren alde" egin du, PP, Vox eta abertzaleen "lehentasun nazionalaren" aurrean
PSE-EEren idazkari nagusiak emaitzak hobetzen jarraitzea jarri du helburu, 2027ko udal eta foru hauteskundeetan; eta gaitzetsi egin du EAJk eta EH Bilduk Enplegu Publikoaren Legea aldatzeko lortutako akordioa.
David Sanchezi enplegu publikorako bederatzi urteko inhabilitazioa ezarri diote
Badajozko Auzitegiak prebarikazio administratiboko delitu baten egile jo du Espainiako Gobernuko presidentearen anaia.
David Sanchez errugabea dela probatuko den itxaropena agertu du Espainiako Gobernuak
Erreakzio soka luzea eragin du Espainiako Gobernuko presidentearen anaiari ezarri dioten zigorrak. Enplegu publikorako bederatzi urteko inhabilitazioa ezarri dio epaileak, prebarikazio administratiboko delitu baten egilea izateagatik.
Mikel Uribe ertzainaren aldeko omenaldia egin dute Beasainen, ETAk hil zuela 25 urte bete direnean
Beasaingo ertzain-etxearen aurrean izan da omenaldi-ekitaldia; minutu bateko isilunearen ondoren, Mikel Uribe gogora ekarri dute hainbat ertzainburuk, tartean bere kide izan zirenak. Mikel Uribe Ertzaintzako komisariordea hil zuen ETAk duela 25 urte gaurko egunez, Leaburun, elkartean lagunartean afaltzera zihoala. Elkarte ondoan autoa aparkatu zuenean, ETAko bi kidek kotxea tirokatu eta bertan hil zuten.