Ukrainako gerra
2025/03/10 - 22:05
Europak % 155 areagotu du armen inportazioa 2020tik: Ukraina da inportatzaile nagusia, eta AEB, hornitzailea
AEBtik dator Europako herrialdeek jasotzen duten armamentuaren % 53, oro har, eta NATOko herrialdeek jasotzen dutenaren % 64, zehazki. Ukrainaren atzetik, Erresuma Batuak eta Poloniak erosi dituzte arma gehien azken lau urteetan.
2025/03/10 - 18:43
Kievekin baliabide naturalei buruzko akordioa ixteko "aurrerapausoak" eman direla uste du Washingtonek
Hala, AEBko Gobernuak "itxaropena" du Ukrainako agintariek aste honetan Saudi Arabiako hiriburuan, Riaden, ituna sinatzeko.
2025/03/08 - 18:45
Errusiak 15 lagun hil eta 50etik gora zauritu ditu Donetsken eta Kharkiven azken orduetan egindako erasoetan
Dobropillia herrian egin du erasoetako bat. Han, 11 pertsona hil eta 47 zauritu ditu, tartean erreskate taldeetako langileak.
2025/03/08 - 13:13
10 hildako eta 30 zauritu baino gehiago Errusiak Dobropilia hiriaren aurka egindako bonbardaketa batean
Gainera, zortzi etxebizitza-eraikin, administrazio-eraikin bat eta 30 auto kaltetu dira. Ukrainako Larrialdietako Zerbitzuak eta Polizia Nazionalak baieztatu dutenez, suteak itzaltzen ari zirenean Errusiak berriro egin du eraso.
2025/03/07 - 17:32
Trumpek zigor eta muga-zergekin mehatxu egin dio orain Errusiari, "frontean Ukraina zapaltzen" ari delako
"Errusiari banku-zigor handiak eta muga-zergak ezartzea serio aztertzen ari naiz, su-etena eta bake-akordioa lortu arte", esan du AEBko presidenteak Truth Social sare sozialean.
2025/03/06 - 22:22
Zelenskiren irizpideen araberako bakea babestu dute EBko buruek Bruselan
Zelenskik eskerrak eman dizkie Europako agintariei, eta esan die horien babesari esker Ukraina ez dela bakarrik sentitzen. Europako Kontseiluari su-eten partzial baten proposamena helarazi dio Zelenskik.
2025/03/06 - 21:21
AEB eta Ukraina datorren astean Saudi Arabian bilera bat egitea negoziatzen ari dira
Steve Witkoff AEBek Ekialde Hurbilerako duten ordezkari bereziak azaldu duenez, hitzordua Riaden edo Yedan izango litzateke. Zelenskik esan du Ukrainako eta AEBko talde negoziatzaileak "bilera eraikitzaile" baterako prestatzen ari direla.
2025/03/06 - 17:38
EBko buruzagiek oniritzia eman diote Von der Leyenen bide-orriari, gastu militarra berehala handitzeko
Horrela, Europar Batasuneko buruzagiek maileguetan 150.000 milioi euro bideratzeko tresna babestu dute, datorren hamarkadan Europa "berrarmatzeko" planaren baitan, erosketa militarretan lehentasunak finkatzeaz gain.
2025/03/06 - 16:51
Zer beharko luke Europak bere burua defendatzeko AEBrik gabe?
Donald Trump AEBko presidenteak Errusiaren balizko eraso baten aurrean Europa ez defendatzeko egindako mehatxuek defentsaren eztabaida berpiztu dute. Azterketa batek zifrak jarri dizkie Europako herrialdeei beren burua defendatzea ekarriko liekeenari. Hau da esaten dutena.
2025/03/06 - 09:05
Europa "berrarmatzeko" bermea bilatuko dute gaur Europako buruzagiek, Trumpekin izandako krisiaren ostean
Zelenski Bruselako hitzorduan izango da, Ukrainari laguntza militarra handitzeko neurririk espero ez den arren.
2025/03/05 - 17:35
CIAk Ukrainari informazioa bidaltzeari utzi dio, Trumpen eta Zelenskiren arteko ika-mika dela eta
Hala ere, John Ratcliffe CIAren zuzendariak adierazi du balitekeela informazioa trukatzeari berrekitea Zelenskik Trumpi bidalitako gutunaren ostean. Eskutitz horretan, Ukrainako agintariak Errusiarekin bakea negoziatzeko prest dagoela adierazi du.
2025/03/05 - 10:39
Trumpek bere agintaldiko lehen erabakien gorazarre egin du Kongresuan: "AEBren urrezko aroa itzuli da"
Etxe Zuriko maizterrak, ia bi orduko hitzaldian, migrazioaren eta dibertsitatearen aurka izenpetu dituen erabakiak edota maila ekonomikoan egindako murrizketak nabamendu ditu. Esan duenez, horiei esker, "herrialdeak 'woke' izateari utzi" dio.
2025/03/04 - 20:09
Zelenskik eskua luzatu dio Trumpi bakerako bidean aurrera egiteko
X sare sozialean argitaratutako mezu batean, Zelenskik lankidetzari berrekiteko eskatu dio Donald Trump presidenteari, ostiralean Bulego Obalean izandako liskarraren ostean, eta prest agertu da bere "lidergo irmoarekin" elkarlanean aritzeko.
2025/03/04 - 18:41
Zelenskik preso guztiak askatzea eta su-etena proposatu du, Trumpek laguntza guztia geldiarazi ostean
Gainera, Ukrainako presidenteak Donald Trump AEBko presidenteari eskatu dio bi estatuen arteko lankidetza berrezartzea; izan ere, Kievi emandako laguntza militar guztia geldiaraztea agindu du Washingtonek.
2025/03/04 - 08:08
Ukrainari laguntza militar guztia geldiarazteko agindu du Trumpek
Joan den ostiralean Etxe Zurian Trumpen eta Volodimir Zelenski Ukrainiako agintariaren artean izandako liskarraren lehen ondorioa da AEBko presidentearen erabakia.
2025/03/03 - 20:01
Ukrainak AEBri egindako eskariei eutsiko die eta Trumpek ez du Zelenskiren jarrera "luzaroan" onartuko
Donald Trumpek bilera egingo du arratsaldean bere aholkulariekin, Kievera armak bidaltzen jarraitu ala ez erabakitzeko. Ukrainak segurtasun-bermeak izatea defendatzen du Europak ere eta Europa bera berrarmatzea ere mahai gainean dago une honetan.
2025/03/03 - 15:03
Frantziak hilabeteko su-etena proposatu du Ukrainarako, eta Erresuma Batuak dio aukeretako bat dela
Frantziako Atzerri Gaietarako ministroak uste du orduan ikusiko litzatekeela Putinek "asmo onik ba ote duen"; baina Londresen arabera, baliteke Errusiak indarra hartzeko baliatzea denbora-tarte hori.
2025/03/03 - 08:12
Albiste izango dira: Oscar Sariak 2025, martxoak 3ko sarraskiaren urteurrena eta Ukrainako gerra
Gaurkoan albiste izango direnen laburpena, bi hitzetan.
2025/03/02 - 23:25
Von der Leyen, Londresko hitzorduaren ostean: "Ukraina eta Europa lehenbailehen berrarmatu behar ditugu"
Europako Batzordearen buruak beharrezkotzat jo du kontinenteak "aurrerapauso erraldoi bat" ematea, defentsa indartzeko. Iragarri du datorren ostegunean, martxoak 6, Bruselan egingo den Europako buruzagien goi-bileran helburu hori betetzeko "plan oso bat" aurkeztuko duela.
2025/03/02 - 21:02
Europako liderrek Ukrainarako bake plana lantzen jarraitu dute, eta AEBren "beharrezko" babesa bilatuko dute
Keir Starmerrek agerraldia egin du igande honetan Londresen egin den goi-bilera informalaren amaieran, eta planaren puntu nagusiak aurkeztu ditu: Ukrainari laguntza militarra ematen jarraitzea, haren segurtasuna eta subiranotasuna bermatzea eta AEBren eskutik joatea.