Trump "atsekabetuta" dago Putinekin, eta Errusiak proposatu du astelehenean negoziaktzen jarraitzea
Donald Trump AEBko presidenteak asteazken honetan adierazi duenez, "oso atsekabetuta" dago Vladimir Putin Errusiako presidentearekin, azken egunetan Ukraniaren aurka egindako erasoak direla eta, eta bi asteko epea eman dio bakea lortzeko benetako asmoa duen argitu dezan. Errusiak, bere aldetik, Serguei Lavrov Atzerri ministroaren bidez erantzun du eta proposatu du Istanbulen negoziazioen bigarren txanda egitea, hurrengo astelehenean (ekainak 2).
Etxe Zurian kazetariekin egindako batzar batean, AEBko presidenteak adierazi du "oso atsekabetuta" dagoela, "negoziazio betean pertsonak hil" direlako. Bere hitzetan, "aste bat edo bi barru" jakingo da Putin serio ari den eta, hala ez bada, "beste modu batera" erantzuteko prest agertu da.
Hala ere, zalantzak agertu ditu Errusiari zigor berriak jartzearen inguruan. "Tratu bat lortzetik gertu nagoela uste badut, ez dut zigorrekin hondatu nahi", esan du.
Joan den maiatzaren 19an, Errusiako presidenteak Ukrainarekin lan egitea proposatu zion Trumpi telefonoz, etorkizunean bake itun bat eta su-etena aldarrikatzeko baldintzen zerrenda sinatzeko. Asteazken honetan, Errusiak negoziazioen bigarren txanda egiteko data eta lekua proposatu ditu: ekainaren 2an, Istanbulen.
Atzerri Ministerioaren webgunean argitaratutako ohar baten arabera, "alde errusiarrak, adostu genuen bezala, modu operatiboan prestatu du gure jarrera azaltzen duen memoranduma", eta gehitu du "Vladimir Medinski buru duen gure ordezkaritza prest dago memoranduma Ukrainako ordezkaritzari aurkezteko, beharrezko azalpenak emanez (...) datorren astelehenean, ekainaren 2an".
Lavrovek eskerrak eman dizkio Turkiari "abegi ona" egiteagatik, eta azpimarratu du lehen txanda presoak eta dokumentuak trukatzeko akordio batekin amaitu zela.
Maiatzaren 16an Istanbulen izan zituzten Errusiak eta Ukrainak lehen elkarrizketa zuzenak, gatazka hasi zenetik estreinakoz. Besteak beste, presoen trukea adostu zuten, 1.000 bana.
Zure interesekoa izan daiteke
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.