Errusiak 2022an inbasioa hasi zenetik Ukrainaren aurkako erasorik handiena egin du, droneekin
2022ko otsailean inbasioa hasi zenetik Ukrainaren aurka droneekin egindako erasorik handiena egin du Errusiak, Ukrainako Aire Indarraren arabera. Moskuk, guztira, aireko 364 objektu erabili ditu, 355 drone kamikaze eta Kinzhal gurutzaontziko bederatzi misil barne, eta herrialdeko hainbat eskualderen kontra egin du, Kiev barne.
Ukrainako defentsek 288 drone eta bederatzi misil atzeman dituzte, hegazkinen, hegazkinen aurkako sistemen, gerra elektronikoaren eta suzko talde mugikorren esku-hartzeari esker.
Ukrainako hiriburua, Kiev, erasopean egon da hirugarren gauez jarraian, eta alertapean egon da sei orduz. Biktimarik izan ez den arren, Dnipro barrutian kalte materialak izan direla jakinarazi dute. Kiev inguruko Borispil eta Fastiv eskualdeetan ere kalteak izan dira misilen talkaren ondorioz. Beste probintzia batzuetan ere (Kharkiv, Khmelnytsky eta Dnipropetrovsk) erasoak izan direla baieztatu dute, baina biktimarik gabeko kalte materialak izan direla adierazi dute.
Errusiako Defentsa Ministerioak baieztatu duenez, "Starokonstantiniv aire-basean (Khmelnytsky eskualdean) helburuak betetzea lortu dute", droneekin eta doitasunezko misilekin egindako "eraso masibo" batean. Sumy probintzian, Vladimirovka eta Belovodi herriak hartu dituela ere berri eman du, Errusiako Kursk eskualdean lurraldea berreskuratu ostean, mugan "segurtasun eremu" bat sortzeko estrategiaren barruan.
Gainera, Errusiak baieztatu duenez, Ukrainak bere lurraldearen kontra jaurtitako 100 drone baino gehiago bota ditu bart, batez ere muga egiten duten eskualdeetan (Briansk, Belgorod eta Kursk, besteak beste). Erasoek ez dute biktimarik ez kalte materialik eragin, eta Ukrainako agintariek ez dute oraindik adierazpen ofizialik egin jaurtiketak direla eta.
Albiste gehiago mundua
Trumpek %100eko muga-zergekin presionatu du Errusia, eta NATOrekin adostu du aliatuek finantzatutako armak bidaltzea Ukrainara
Trumpek 50 eguneko epean Errusiari %100eko muga-zergak ezarriko dizkiola iragarri du, baldin eta Moskuk Ukrainarekin su-etena eta bake prozesua hastea ahalbidetuko duen akordiorik lortzen ez badu. Aldi berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta ondoren Ukrainara transferitzeaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.
Trumpek % 30eko muga-zergak iragarri ditu Europar Batasunarentzat, abuztuaren 1etik aurrera
AEBko presidenteak gutun bat argitaratu du bere sare sozialean, eta esan du atzera egingo duela "Europar Batasunak edo EBko enpresek Estatu Batuetan produktuak fabrikatzea erabakitzen badute". Von der Layen prest agertu da negoziatzen jarraitzeko.
Ipar Irlandako Kneecap taldeko raperoek Kobetamendiko musikazaleen arreta bereganatu dute
Belfasteko taldea Bilbao BBK Live jaialdiko karteleko izen handietako bat izan da. Irlandera erabiltzeaz gain, arazorik gabe hitz egiten dute politikaz eta gizarte arazoez, eta agertokiaren gainean jaia pizten iaioak dira.
PKK gerrilla kurduak Irak iparraldean hasi du bere desarmea
Ekitaldian, gerrillako 15 gizon eta 15 emakume izan dira, Bese Hozat PKK-ko buruzagi gorenetako bat tartean. Gerrillako kideek metalezko ontzi handi batean erre dituzte euren armak.
PKK gerrilla kurduak armagabetzea hasi du Irakeko iparraldean
Maiatzean iragarri zuen armak alde batera uzteko borondatea, Abdullah Ocalan buruzagi espetxeratuak, gutun baten bidez, 1984an hasitako borroka armatua amaitzeko eskatu ostean.
Su-etena egun gutxitan lortzea espero du Netanyahuk
“Bahitu guztiak atera nahi” dituela esan du Israelgo lehen ministroak. Sarraskia "bihar amaitu liteke, gaur Hamasek armak uzten baditu”, gaineratu du.
Zelenskik bere aliatuen 10.000 milioi baino gehiago lortu ditu "gatazka amaitu ondoren Ukraina berreraikitzeko"
Ukraina Berreraikitzeko IV. Biltzarrak ia 5.000 parte-hartzaile bildu ditu Erroman. Errusiak "zinikotzat eta gezurtitzat" jo ditu bildutako estatuak eta erakundeak.
Brasilen eta AEBren arteko krisi diplomatikoa areagotu egin da, Trumpek % 50eko muga-zergak ezarriko dituela iragarri berritan
Jair Bolsonaro Brasilgo estatuburu ohi eta presidente estatubatuarraren kontra Gorte Gorenean egingo duten epaiketa da azken gatazka honen abiapuntua. 2022ko hauteskundeak galdu ostean, Lula da Silvaren aurkako estatu-kolpe saiakera egitea leporatuta epaituko dute.