Europar Batasunak babestu egin du Greziaren herstura plana
Greziako Gobernuak defizit publikoa aurten lau puntu murrizteko hartutako neurri fiskalak nahikoa direla esan zuen Europako Batzordeak. Orain Batzordearen txostena ontzat jo dute gaur EBko Finantza eta Ekonomia ministroek.
"Grezia bide onetik doa orain. Greziako Parlamentuak dagoeneko dekretua onartu du, eta defizit publikoa lau puntu jaisteko neurriak aplikatzen ari dira jadanik", azaldu du Olli Rehn Moneta Gaietarako mandatariak.
Bestalde, Yorgos Papaconstantinos Greziako Finantza ministroak azaldu duenez, finantzaketa kostuen murrizketa batek ekonomiaren sinesgarritasuna hobetzea ekar dezake, doikuntzarako neurri gehiago hartu ostean.
"Hazkunde ekonomikoaren ebaluaketa errealistago batean" oinarritzen dira erreforma berriak, Rehnen esanetan. Era berean, Europako Banku Zentralak (EBZ) egindako azken aurrikuspenei garrantzia kendu die Rehnek. Aurten Greziako BPGk % 2 behera egingo duela esan du EBZk, hasiera batean estimatutakoa baino okerragoa.
Zaintzen jarraituko dute
Hala eta guztiz ere, Europako Batzordeak Greziaren egoera "zaintzen" jarraituko duela gogorarazi du Rehnek. Aurrezteko neurrien garapenari buruz txosten berri bat aurkeztuko du Greziako Exekutiboak maiatzean, bertan pentsioen sistemaren erreforma landuko du, besteak beste.
Greziak aurrezteko hartutako neurriak finantza publikoen egoera hobetzeko nahikoa izango direla uste du Rehnek, ondorioz, Euroguneko ministroek atzo adostutako laguntzarako tresnak aplikatzea ez litzateke beharrezkoa izango, "euroguneko egonkortasuna bermatzeko".
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.