Merkelek berriro baztertu du Greziari berehala laguntzeko aukera
Angela Merkel Alemaniako kantzilerrak baikortasun mezua zabaldu du gaur eta euroaren arrakasta azpimarratu du, Greziak krisi ekonomiko larriari aurre egiteko berehalako laguntzarik ez duela behar berretsi baino lehenago.
Bruselan Euroguneko agintariek egingo duten goi-bileraren aurretik, kantziler alemaniarrak azpimarratu du orain arte ez dela beharrezkoa izan Greziari diruz laguntzea eta azpimarratu du Grezia ez dagoela kaudimenik gabe, aurrezki egitasmoa aurkeztu duela eta zorra nazioarteko merkatuetan kokatzea lortu duela.
Alemaniako gobernuburuak onartu du Euroguneko kide bakar bat kaudimenik gabe geratzen bada "arrisku larria" sor lezakeela, baita Alemaniarentzat ere, baina ziur dago Europar Batasunak egungo egoera gaindituko duela.
Espainiak 2.000 milioi emango lituzke
Espainiak 2.000 milioi euro eman beharko ditu Euroguneko buruzagiek hala erabakitzen badute eta badirudi Alemania dela kontra dagoen bakarra.
Jose Luis Rodriguez Zapatero Espainiako eta Europar Batasuneko txandakako presidenteak Herman Van Rompuy Europako Kontseiluko presidentearekin gosaldu du goi-bileraren nondik norakoak aztertzeko eta biek iritzi bera agertu dute: beharrezkoa dela Greziari laguntzeko neurriak hartzea.
Euroguneko 16 kideek (oraindik Alemaniaren baiezkoaren zain daude)laguntza hori ematea onartzen badute, Espainiak, Euroguneko BPGn duen pisuarengatik, kredituaren % 12,5 eman beharko du, hau da, 2.000 milioi euro.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.