Espainiako burtsak azken sei hilabeteotako asterik onena itxi du

Espainiako burtsak azken sei hilabeteotako asterik onena itxi du ostiral honetan, % 8,03ko igoerarekin. Banku-sistemari laguntzeko iragarritako planek eragin zuzena izan dute igoera horretan.

Arrisku-sariak 486 puntuan bukatu du eguna, eta IBEX 35ek 113,90 puntu egin du gora (% 1,77). Ondorioz, 6.552 puntuan amaitu du astea. Urteko galerak % 23,51 jaitsi dira.

Balore handi guztiek egin dute gorantz: Iberdrolak, % 4,97 (IBEX 35eko igoerarik handiena); Telefonicak, % 3,65; Repsolek, % 2,2; Banco Santanderrek, % 1,4; eta BBVAk, % 1,1.