NDFk eskatutako neurriak 'oraingoz' ezarriko ez dituela esan du Rajoyk
Mariano Rajoy Gobernuko presidenteak larunbat honetan esan duenez, oraingoz ez ditu Nazioarteko Diru Funtsak eskatutako neurriak ezarriko. Rajoyk azpimarratu duenez, "garrantzitsuena Europa da, euroa atzeraezineko proiektua dela erakutsi behar diolako munduari".
Langile publikoen soldatak murriztea eta BEZa igotzea gomendatu dio Nazioarteko Diru Funtsak Espainiako Gobernuari. Rajoy honen gainean mintzatu da gaur Donostian izandako PPko Parlamentarien-arteko 17. Bileraren itxiera ekitaldian.
Presidenteak esan duenez, NDFren txostena hainbat erakundek argitaratutako beste txosten bat besterik ez da. "Gomendioak baino ez dira", nabarmendu du Rajoyk. "Garrantzitsuena Europa da, eta hilaren amaieran iragarrita dagoen eurotaldearen hurrengo bilera", adierazi du.
"Europak batasuna behar du, arlo politikoan, fiskalean eta finantzarioan, eta euroa atzeraezineko proiektua dela erakutsi behar dio munduari", esan du Exekutiboko presidenteak, "bestela, zalantza izango da nagusi inbertitzaileengan".
Segurtasuna finantza-sisteman
Astebete igaro da Europak Espainiako bankuei eskainitako diru-laguntzaren berri iragarri zutenetik. "Guztiok lasaitu behar gaituen urratsa da", esan du Rajoyk, "finantza-sisteman segurtasuna dagoelako jadanik".
Egungo egoera ulertzeko, lau arrazoi daudela azaldu du presidenteak: "kanpoko zorra, Espainiak bilioi bat euro inguru itzuli behar duelako, defizita, lehiakortasuna eta inbertsio falta". "Egun, Espainian ez dago krediturik", onartu du Rajoyk.
Halaber, "agintaldi osoan zehar erreformak egiten jarraituko dugu, krisia gainditu behar dugulako eta etorkizunerako herrialdea prestatu behar dugulako", esan du. Azkenik, "bankuek dirua itzuliko" dutela azpimarratu du.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.