Gobernuak 'ahaleginekin' jarraituko duela bermatu dio Rajoyk Merkeli

Espainiako Gobernuak ''ahaleginak egiten'' jarraituko duela bermatu dio Mariano Rajoy presidenteak Angela Merkel Alemaniako kantzilerrari. ''Ez ezazue duda izpirik izan'', gaineratu du presidenteak.

Zor merkatuaren krisia izan dute bi agintariek hizpide, ostegun honetan Madrilgo Moncloa jauregian egin duten bileran. Europako banku batasunaren alde egin beharra dagoela uste dute Merkelek eta Rajoyk, eta euroarekiko konpromisoa berretsi dute gaurko hitzorduan.

Halaber, Gobernuak ''ahaleginekin'' jarraituko duela bermatu dio presidenteak Alemaniako kantzilerrari, baina pentsioak ''ukitzeko'' asmorik ez duela aurreratu du Rajoyk. Horren ildotik, Merkelek zein murrizketa eta erreforma egin behar dituen esan ez diola esan du presidenteak.

Angela Merkel kantzilerrak, bestalde, Rajoy presidenteari zer egin behar duen esatera etorri ez dela argitu du. Elkarrekin egin duten prentsaurrekoan, Merkelek errespetua agertu du Gobernuak bultzatutako erreformen aurrean, eta erreforma horien erritmoarekin ''txundituta'' dagoela esan du. Halaber, aldaketa horiek ''denbora'' eskatzen dutela defendatu du.

Bi herrialdeen arteko hurrengo bilera otsailean egingo dute, Alemanian.

EBZk Espainiaren zorra erosiko du, erreskatea eskatuz gero

Europako Banku Zentralak (EBZ) Espainiaren zorra erosiko du, erreskatea eskatuz gero, Mario Draghi erakundearen presidenteak iragarri duenez. Rajoyk, hala ere, erreskatearen inguruan ''berririk ez'' dagoela esan du iragarpen horretaz galdetu diotenean, Angela Merkel Alemaniako kantzilerrarekin batera egin duen prentsaurrekoan.

Agerraldia bukatu ondoren, baina, Draghik iragarritako programa zehatz-mehatz aztertuko dutela esan dute Moncloatik.

Espainiako Gobernuak ''ahaleginak egiten'' jarraituko duela bermatu dio Mariano Rajoy presidenteak Angela Merkel Alemaniako kantzilerrari. ''Ez ezazue duda izpirik izan'', gaineratu du presidenteak.Zor merkatuaren krisia izan dute bi agintariek hizpide, ostegun honetan Madrilgo Moncloa jauregian egin duten bileran. Europako banku batasunaren alde egin beharra dagoela uste dute Merkelek eta Rajoyk, eta euroarekiko konpromisoa berretsi dute gaurko hitzorduan.Halaber, Gobernuak ''ahaleginekin'' jarraituko duela bermatu dio presidenteak Alemaniako kantzilerrari, baina pentsioak ''ukitzeko'' asmorik ez duela aurreratu du Rajoyk. Horren ildotik, Merkelek zein murrizketa eta erreforma egin behar dituen esan ez diola esan du presidenteak.Angela Merkel kantzilerrak, bestalde, Rajoy presidenteari zer egin behar duen esatera etorri ez dela argitu du. Elkarrekin egin duten prentsaurrekoan, Merkelek errespetua agertu du Gobernuak bultzatutako erreformen aurrean, eta erreforma horien erritmoarekin ''txundituta'' dagoela esan du. Halaber, aldaketa horiek ''denbora'' eskatzen dutela defendatu du.Bi herrialdeen arteko hurrengo bilera otsailean egingo dute, Alemanian.EBZk Espainiaren zorra erosiko du, erreskatea eskatuz geroEuropako Banku Zentralak (EBZ) Espainiaren zorra erosiko du, erreskatea eskatuz gero, Mario Draghi erakundearen presidenteak iragarri duenez. Rajoyk, hala ere, erreskatearen inguruan ''berririk ez'' dagoela esan du iragarpen horretaz galdetu diotenean, Angela Merkel Alemaniako kantzilerrarekin batera egin duen prentsaurrekoan. Agerraldia bukatu ondoren, baina, Draghik iragarritako programa zehatz-mehatz aztertuko dutela esan dute Moncloatik.