Jaurlaritzak murrizketak aurreikusi ditu gizarte-laguntzetan
Juan Maria Aburto Gizarte Politiketako eta Enpleguko sailburuak aitortu du "ziurrenik" murrizketak izango direla gizarte-laguntzetan, baina ez du zehaztu non eta zenbatekoak izango diren.
Aburtok agerraldia egin du gaur Eusko Legebiltzarreko batzordean, eta legegintzaldi honetan enplegu, etxebizitza eta gizarte politiketan aurrera eramango duen proiektuaren oinarriak azaldu ditu. Besteak beste, murrizketak aurreikusi ditu, Ricardo Gatzagaetxebarria Ogasun sailburuak egin duen moduan.
Bere Sailaren lehentasun nagusiak enplegua eta kohesio soziala direla azpimarratu du, baina aitortu du "ziurrenik" murrizketak izango direla aurten.
Aburtoren esanetan, egungo egoera ekonomikoan eta Aurrekontuak 1.200 milioi euro murriztuta, zaila izango da Diru-sarrerak Bermatzeko Errentari bere hroretan eustea, % 7ko beherakada izan baitu.
Koordainketa
Bestalde, "finantziazio sistema egonkorra" sustatuko duela iragarri du, 2008ko Gizarte Zerbitzuen Legea errespetatzeko. Horretarako, zerga bidezko diru-sarrerak "handitu" behar direla azpimarratu du, baina jarduera ekonomikoari eragin gabe eta koordainketa araututa.
Zerbitzu sozialetan koordainketa ezartzearen inguruan, Legea jasota, sailburuak esan du formula honetako erregulazioak ez dituela "bi lerro gorri" pasatuko: inor ez dadila laguntzarik gabe geratu, ordaindu ezin dezakeelako, eta inork ez dezala gehiago izan baliabide ekonomiko gehiago izateagatik.
Enplegu-plana
Aburtok azaldu duenez, Iñigo Urkullu lehendakariak laster enplegu-plan bat aurkeztuko du Parlamentuan, eta arreta berezia eskainiko dio gazteei, autoenpleguaren promozioa eta jarrera ekintzaileak sustatuz.
Sailburuak elkarrizketa soziala berreskuratzea "premiazkoa" dela nabarmendu du, milaka langileren "lan-eskubideak pikutara bidaltzeko" arriskua dagoelako, haien lan-hitzarmenak berritzen ez badira, eta datorren udatik aurrera ultraaktibitatea aplikatuko delako lan-erreforman.
Lanbide
Aburtok Diru-sarrerak Bermatzeko Errentak bermearen errentarekin zerikusia duten zeregin administratiboen Euskal Enplegu Zerbitzua-Lanbide "deskargatzeko" asmoa iragarri du, lana aurkitzeko zailtasunak dituzten pertsonentzat zehazki.
Diru-sarrerak Bermatzeko Errentak "Lanbide jan" duela azaldu du, eta, une hauetan, ez dela lan bitartekotzarik egiten ari gaineratu du; horretara zuzendu nahi duela Lanbideren etorkizuna nabarmendu du.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.