PP, PSE eta EAJ elkarri mokoka, Donostialdeko metroaren kontura
Popularrek, sozialistek eta jeltzaleek iritzi kontrajarriak dituzte Donostialdeko metroa egiteko lanen harira. Atzo, Ana Oregi Ingurumen eta Garraio sailburuak adierazi zuenez, egungo aurrekontuekin "ezinezkoa" izango da Lugaritz-Kontxa eta Kontxa-Morlans tarteak egitea.
Borja Semper PPko Gipuzkoako buruzagiak salatu duenez, EAJ Eusko Jaurlaritzara itzulita, berriz ere agerian geratu da "Gipuzkoarekiko interes falta eta Bilbo Handia ez den guztiarekiko utzikeria".
Popularrak azpimarratu duenez, Donostialdeko metroa "oso proiektu garrantzitsua da lurraldearen garapenerako". Ildo horretan, "gezurra dirudi Donostian metroa egiteko proiektua 80ko hamarkadan Bilbokoaren batera sortu izana, eta hiru hamarkada geroago, Bilbon 3. linea egiteko lanetan egotea eta hemen proiektua gauzatzeko oztopoak jartzea", gaineratu du.
Datozen egunetan, Ana Oregiri Altzako lur azpiko tartearekin zer gertatuko den galdetzeko asmoa du Borja Semperrek.
Ana Oregiren agerraldia eskatu dute
Donostiako PP eta PSE-EE alderdietako ordezkariek Ana Oregi Udaleko Donostialdeko metroaren batzordean agertu dadila eskatu dute. Horien hitzetan, gai horrek Eusko Jaurlaritzako 2013ko aurrekontuen negoziazioa baldintzatuko du.
Ramon Gomez Ugalde Donostiako Udaleko popularren bozeramaileak azpimarratu duenez, "gipuzkoarrok ere ordaintzen ditugu zergak, eta, beraz, Eusko Jaurlaritzak bultzatutako lanak ordaintzen ditugu. Hala, ezin dugu onartu diru horrekin beste toki batzuetako lanak finantzatzea, eta hemengoak bertan behera gelditzea".
Ernesto Gasco Donostiako zinegotzi sozialistaren iritziz, EAJren asmoa "Donostiako eta Gipuzkoako proiektuak geldiaraztea da". Horren hitzetan, Eusko Jaurlaritza Donostiarekin bidegabe jokatzen ari da, eta nabarmendu duenez, "Bilboko metroko edozein linea martxan jartzeak Eusko Trenen egin beharreko aldaketek baino kostu handiago du".
EAJk Donostialdeko metroa defenditzen jarraituko du
Eneko Goia EAJk Donostiako Udalean duen bozeramaileak esan duenez, bere alderdiak Donostialdeko metroa defenditzen jarraituko du. Halaber, ez du baztertu Eusko Jaurlaritza beste aukera bat aztertzen ari denik.
Donostiako EAJk "beti" adierazi du proiektua egin egin behar dela, eta "beti esango dugu hori", beharrezkoa baita Goiaren arabera Eusko Treneko bi lineen bat egitea. Horretarako, "aukerarik onena zein den aztertu beharko da", gaineratu du.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.