Ortuzar: 'EAJ tematu egingo da aurrekontuak adosteko'
Andoni Ortuzar EBBko presidenteak esan duenez, EAJ ''tematu'' egingo da 2013ko Aurrekontuak adosteko eta kontu horietan zerbitzu publikoak bermatzeko.
Ildo horretan, jeltzaleak ''negoziaziorako eta adostasunerako prest'' daudela adierazi du Ortuzarrek, eta ''jarrera berdina'', ''erantzukizuna'' eta ''eskuzabaltasuna'' eskatu dizkie gainerako alderdiei. ''Denon laguntza izango da ongietorria'', gaineratu du. Hala, EAJk ''akordio asko'' lortzea espero duela esan du Ortuzarrek, ''alderdi guztiekin ez bada, gehienekin''.
Iñigo Urkullu lehendakariarekin batzartu da EAJko presidentea, lehendakariak Legebiltzarreko alderdi guztiekin egin berri duen bilera-sortaren baitan. Horietan azkena izan da Urkulluk Ortuzarrekin egin duena.
Ia ordu eta erdi egon dira batzartuta, eta, jarraian eskaini duen prentsaurrekoan, EAJko presidenteak ez du hitzordu horren edukien xehetasunen berri eman.
Jaurlaritzak martxoaren 12an aurkeztuko duen aurrekontuen proiektuaren harira, Ortuzarrek gogoratu du 1.200 milioi gutxiago izango dituela, ''datu objektibo bat'', horren hitzetan. Orduan emango dute jakitera arlo bakoitzari dagokion zenbatekoa.
"Dudarik ez daukat lehendakariak ahalik eta aurrekontu onenak aurkeztuko dituela'', esan du. Halaber, ziur da ''egungo krisi ekonomikoa leuntzen'' eta ''oinarrizko zerbitzu publikoak bermatzen'' lagunduko dutela, hauteskunde kanpainan hartutako konpromisoei lotuta.
Hala erantzun die Ortuzarrek gainerako alderdiek murrizketen inguruko ''informazio faltagatik'' egindako kritikei. "Aurrekonturik izango ez lukeena ez da Eusko Jaurlaritza, Euskadi bera eta euskal gizartea baino'', esan du, kontuak onartu ezinak eragingo lukeen egoeraz.
Proposamen fiskalak
EAJk gainerako alderdiei erreforma fiskala abiatzeko asmoarekin proposamen fiskalekin helarazitako dokumentua dela-eta, Ortuzarrek aitortu du ''jarrera ona'' aurkitu dutela beste alderdietan, baina bilera gehiago beharko direla neurri horiek adosteko.
Rajoyren Gobernuaren murrizketak
Bestalde, Rajoyren murrizketei aurre egiteko ''beligerantzia'' eta borondate faltaren inguruan EH Bilduk eta PSE-EEk lehendakariari egindako kritikei erantzunez, Ortuzarrek esan du urteotan jeltzaleak izan direla autogobernua defendatu duten bakarrak. ''Batzuetan bakartasunik gordinean'', gaineratu du jeltzaleak, ''ezker abertzalea ilargira adi zegoelako eta sozialistak Madrilen Gobernuan edo PPrekin batera autogobernuaren kontra botoa ematen ari zirelako''.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.