Pentsioen erreformaren aurka helegitea aurkeztu dute Konstituzionalean
Diputatuen Kongresuko oposizioko hainbat alderdik helegitea aurkeztu dute gaur Auzitegi Konstituzionalean, Espainiako Gobernuak pentsioak izozteko hartutako erabakiaren kontra. Rajoyk adierazi zuen "ahal duenean" aplikatuko diela kontsumorako prezio indizearen (KPI) igoera pentsioei.
Alderdi Sozialistak, CiUk, Ezker Anitzak (IU-ICV-CHA), UPyDk eta EAJk egin dute bat helegitearekin. Hasiera batean, sinatzeko asmoa agertu zuten talde mistoko beste hainbat alderdik, baina PSOEk eta UPyDk "betoa" jarri zioten Amaiurri, eta, elkartasun keinu gisa, ERC, BNG, NaBai eta Compromis, akordiotik kanpo gelditu ziren.
140 diputatuk sinatu dute helegitea, eta Auzitegi Konstituzionalari eskatzen diote Gobernuak pentsioak izozteko hartutako erabakia Konstituzioaren aurkakotzat jotzeko, erabakia bertan behera uzteko eta pentsiodunei zor zaien dirua emateko.
Helegitea aurkeztu duten taldeek pentsiodunek erosteko ahalmena galdu dutela salatu dute. Horien ustez, neurria "bidegabea" da eta erretiratuek iraganean eskuratu zituzten eskubideak kolpatzen ditu.
Duela lau hilabete inguru, PSOE, IU, ICV eta Chunta Aragonesista alderdiek beste helegite bat aurkeztu zuten Auzitegi Konstituzionalean lan erreformaren aurka.
Pentsioen izoztea, "legez kanpokoa eta Konstituzioaren aurkakoa da"
Oposizioaren zati batek aurkeztuko duen helegite horretan irakur daitekeenez, pentsioen izoztea "legez kanpokoa eta Konstituzioaren kontrakoa da", legearen atzeraeraginezko aplikazioa baitakar berekin, eta hori "Konstituzioak debekatu egiten du".
Espainiako Diputatuen Kongresuak Auzitegi Konstituzionalean helegitea jartzeko 50 diputaturen sinadura beharrezkoa da. PSOE alderdiak soilik du berak bakarrik helegite bat aurkezteko ordezkari nahikoa. Sozialistek proposatu zuten helegitearen kontua, eta, ondoren, beste hainbat alderdik egin dute bat ekimenarekin.
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.