Ez dute baztertzen greba mugagabea Gipuzkoako adinekoen egoitzetan

ELA eta LAB sindikatuek ez dute baztertu greba mugagabea deitzea Gipuzkoako adinekoen egoitzetan eta eguneko zentroetan, ''beste aukerarik ez badago''. Hala ere, erabakia oraindik hartu gabe dagoela azaldu dute bi sindikatuek, eta, ''unea iristean'' neurria ''tentuz'' kudeatuko dutela aurreratu dute.

% 80ko ordezkaritza dute Gipuzkoako adinekoen egoitzetan eta egunetako zentroetan bi sindikatuek, eta azken hiru egun hauetan greba deitu dute sektorean. Gaur, gainera, manifestazioa egin dute Donostian, lan hitzarmena negoziatzeko mahaia blokeatuta dagoela salatzeko.