Elkartasun fondo bat sortzea onartu du Zipreko Parlamentuak
Elkartasun Fondo Nazionala sortzea eta finantzen transakzioak kontrolatzeko lege bat onartzea aho batez erabaki du gaur Zipreko Parlamentuak. 'B egitasmoa'ren ardatz nagusiak dira. Eurotaldeak planteatutako erreskate planaren aurrean neurri alternatiboak behar ditu Ziprek.
Bozketa baino lehen ez da eztabaidarik izan. 'B plana'k bederatzi lege zirriborro eta hainbat zuzenketa ditu, baina aurrezkien gaineko zergarik ez du oraindik barneratu.
Egitasmoaren helburua 5.800 milioi euro biltzea da. 10.000 milioi euroko erreskatearen truke troikak diru hori biltzea eskatu dio Zipreko Gobernuari.
Besteak beste, Elkartasun Fondo Nazionala sortzea, kapitalen mugimenduak kontrolatzea eta finantza entitateak indartzea helburu ditu planak.
Bankuak zabaltzen diren unean gordailuak Zipretik ihes egitea saihestu nahi du egitasmoak, eta horretarako kapitalen mugimeduak kontrolatu behar ditu. Bankuek asteartean ireki behar dituzte ateak berriro.
Pentsioen fondoen eta langile publikoen aseguru medikoen zati bat Elkartasun Fondo Nazionalera bideratuko dute. Herritarrek eta enpresa pribatuek ekarpenak egiteko aukera izango dute.
Euroguneko Ekonomia ministroek ezohiko bilera egingo dute igandean, Zipreko erreskatea astelehena baino lehen ixteko, uharteko ekonomiaren eta bankuen porrota saihesteko eta krisia EBra hedatzea eragozteko.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.