Zipreren 'B egitasmoa' troikak aztertzea eskatu du Eurotaldeak
Erreskatea jasotzeko proposamen alternatiboa lehenbailehen aurkezteko eskatu diote gaur Zipreri euroguneko Ekonomia ministroek, eta egitasmoa Europako Batzordeak, Europako Banku Zentralak (EBZ) eta Nazioarteko Firu Funtsak aztertu beharko dutela adostu dute.
Eurogunea "proposamenaren zirriborro berri bat Zipreko agintariekin eztabaidatzeko prest dago eta albait lasterren plana aurkezteko eskatu du", azaldu du Jeroen Dijsselbloem Eurotaldeko presidenteak. Euroguneko 17 Ekonomia ministroek telefonoz bilera egin eta agiri bat plazaratu dute.
Zipreren proposamen berriak "Eurotaldeak ezarritako parametroak errespetatu" beharko dituela errepikatu du Dijsselbloemek agirian.
Zipreren egoera aztertzeko asteko bigarren bilera egin dute euroguneko Ekonomia ministroek. Nikosiako agintariek erreskatea lortzeko egitasmo alternatiboa adostu dute, eta zenbait xehetasun ofizialki jakitera eman dituzte.
Europako Batzordeak, EBZk eta Eurotaldeko presidenteak Zipreri egindako presioa areagotu dute azken orduetan. Horrela, Zipreko agintariei ultimatuma eman diete eta egitasmo alternatiboak zorraren jasangarritasuna bermatu behar duela ohartarazi dute.
Zipreko bankuen likidezia astelehenera arte soilik bermatuko duela iragarri du EBZk; izan ere, laguntza programarik gabe bankuen kaudimena ziurtatzerik ez dago.
Bozketa atzeratu dute
Zipren, 'B plana'ren bozketa atzeratu dute Parlamentuan, Yannakis Omiru Ganberako presidenteak iragarri duenez.
Kutxazainetan dirua ateratzeko muga jaitsi du bankuak. Horrela, Laiki Bankeko bezeroek egunean 260 euro bakarrik atera ahal izango dituzte.
Zure interesekoa izan daiteke
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.