Akordioak lortzeko borondate eza kritikatu du Urkulluk
''Zenbait'' alderdi politikoren jarreran akordioak lortzeko ''borondate eza'' ikusten jarraitzen duela esan du asteazken honetan Iñigo Urkullu lehendakariak. Jarrera horrek, Euskadiren ekonomia berriz suspertzeko ''bide amankomunak'' aurkitzeko ''borondate maila txikia'' dagoela uzten du agerian, lehendakariaren hitzetan.
Asteartean, ''argazkirik gabeko'' bilera politikoa deitu du Urkulluk, Legebiltzarrean ordezkaritza duten alderdi politiko guztiekin. Bertan, Euskadiren egoera ekonomikoa aztertu eta erreforma fiskala, iruzurraren aurkako borroka eta administrazioaren murrizketak hartuko dituzte hizpide.
''Zaila izango da mahaia emankorra izatea'', EH Bilduren hitzetan
Laura Mintegi EH Bilduk Legebiltzarrean duen bozeramailearen hitzetan, ''zaila izango da mahaia emankorra eta eraginkorra izatea'', aurretik zer landuko den eta proposamen zehatzak zeintzuk diren jakin gabe. Mintegik kritikatu duenez, ''komunikabideen bitartez bakarrik'' jakin dute hiru gai landuko direla.
Proposamenak aldez aurretik izatea espero du PSE-EEk
Jaurlaritzak egin nahi dituen proposamen zehatzak zeintzuk diren jakin eta neurri horiek aztertu ahal izateko, bilera egin aurretik ''eskuan dokumentu bat'' izatea espero dutela esan du Jose Antonio Pastor PSE-EEk Legebiltzarrean duen bozeramaileak.
PP: ''Bereizten gaituzten ñabardurak albo batera utzita joango gara bilerara''
Borja Semper PPk Legebiltzarrean duen bozeramailearen hitzetan, ''unearen garrantzia eta bereizten gaituzten ñabardurak albo batera utzita joatea beharrezkoa da'', eta, hala egingo dutela aurreratu du, ''hori baita herritarrek eskatzen digutena''. Ildo horretan, ''egoera ohiz kanpokoa'' dela kontuan izanda ''ahalegin berezia'' egitea eskatu die PPk gainerako alderdiei.
Neurri zehatzak eskatu ditu UPyDk
Bilerara neurri zehatzak eramatea eskatu dio Gorka Maneiro UPyDko legebiltzarkideak Urkulluri, eta, bilera horretan akordiorik lortzen bada, neurri horiek Legebiltzarrean berretsi beharko direla ohartarazi dio.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.