CCOOk dio Confebaskek eta ELAk lan-hitzarmenak 'zatitu' nahi dituztela
Unai Sordo CCOO-Euskadiren idazkari nagusiak salatu du EAEko negoziazio kolektiboaren "sakoneko" arazoa ELAk eta Confebask patronalak sortu dutela, sektoreetako lan-hitzarmen kolektiboak zatitu nahi dituztela uste baitu.
Sordok Bilbon egin ditu adierazpenok, negoziazio kolektiboaren alde egindako manifestazio baten ostean.
Buruzagi sindikalak adierazi duenez, EAEko negoziazio kolektiboaren arazoa ez da "uztailaren 7a" (iraungitako lan-hitzarmenak bertan behera geratuko dira legez), baizik eta "enpresarien eta sindikatuen zati batek sektoreetako negoziazio kolektiboa zatitu nahi dutela".
"Bi horiek, patronalaren sektore batek eta ELA sindikatuak, bat egin dute lan-hitzarmenetan sektore arteko akordioa lortzeko saiakera oztopatzeko", gaineratu du.
Sordok azpimarratu du CEOEk eta Cepymek CCOO eta UGT sindikatuekin lan-hitzarmenak uztailaren 8tik aurrera ere indarrean mantentzeko sinatu zuten akordioa "ona" dela, nahiz eta "gure egoera ez konpondu".
Sordok Adegi, Metalgintza Alorreko Enpresa Bizkaitarren Federazioa, ELA eta LAB kritikatu ditu, Madrilen sinatutako akordioari "inolako balioa eman ez" diotelako, EAEn aplikatzea beharrezkoa ez delako.
Zure interesekoa izan daiteke
Andoaingo garraiolari bat bero kolpe baten ondorioz hil dela salatu du LABek
Sindikatuak gogorarazi du muturreko beroaren aurrean enpresek protokoloak aktibatu behar dituztela, eta jarduera eten behar dutela egoerak hala eskatzen badu.
Eroskik bere 40 gasolindegiak saldu dizkio Petroprix "low cost" konpainiari
Taldeak eraldaketa testuinguru batean hartu du erabakia, "kontsumo-ohitura berriek eta operadoreen espezializazio gero eta handiagoak markatuta".
Volkswagen Taldeak 100.000 lanpostu murriztuko ditu 2030era arte, Alemaniako hedabideen arabera
Konpainiak adierazi duenez, "gaur egungo negozio-eredua ez dabil marka guztientzat".
Tubos Reunidosen enplegu erregulazioko espedientearen aurkako demanda artxibatu dute, ez dela aplikatuko iragarri ondoren
Enplegu erregulazioko espedientearen aurka sindikatuek aurkeztutako demandak zentzua galdu zuen konkurtso-administratzaileak iragarri zuenean ez zuela aplikatuko.
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.