Joaquin Almunia: 'Ontziolek ez dituzte laguntzak itzuli beharko'

Joaquin Almunia Europako Lehiakortasunerako komisarioak iragarri duenez, ontziolek laguntzak bueltatu behar ez izatea proposatuko du  Europako Kontseiluan.

Bruselak datorren uztailaren 17an hartuko du auzi honen inguruko azken erabakia. Baina Almuniak gaur azpimarratu duenez, "inork ezin ditu ontziolak behartu laguntzak itzultzera".

Almuniak zehaztu du ontzien finantzazioan parte hartu zuten inbertitzaileak direla laguntzak itzuli beharko dituztenak, haiek izan baitziren onura fiskalaz baliatu zirenak.

Era berean, ontziak merkatuko prezioaren azpitik erosi zituzten armadoreek ere aipatu laguntzak bueltatu egin beharko dituzte, Almuniaren arabera.