Erakundeek, MCCk eta Fagorrek krisia aztertuko dute asteazken honetan
Eusko Jaurlaritza, Bizkaiko eta Gipuzkoako foru aldundiak, Debagoienako eta Basauriko udalak Mondragon Korporazioko eta Fagor Etxetresnakeko ordezkariekin bilduko dira asteazken honetan. Azkenean Fagor Etxetresnak hartzekodunen konkurtsoan sartu eta itxi egiten bada nolako ondorioak utziko lituzkeen aztertuko dute eragileek.
Bilera Eusko Jaurlaritzak deitu du, iragan astelehenekoa atzeratu eta gero. Eusko Jaurlaritza, Gipuzkoako Foru Aldundia, Debagoienako udalak eta Mondragon Korporazioa soilik biltzekoak ziren orduan.
Astelehenean bertan, Arrasaten egitekoa zen bilerara joaterik ez zuela jakinarazi zion MCCk Jaurlaritzari. Bilera ez zuen Urkulluren Exekutiboak deitu eta atzeratu egin zen. Egoera aztertzeko data ezartzea premiazkoa zela adierazi zuen Jaurlaritzak.
Gasteizko Exekutiboak bilera asteazken honetarako deitu zuen, 15:00etan, Lakuan.
Arantza Tapia Garapen Ekonomiko eta Lehiakortasunerako sailburuak eta Enplegu Saileko ordezkariek parte hartuko dute; izan ere, Juan Maria Aburto sailburuak Legebiltzarrean agerraldia egin behar du Saileko aurrekontuak azaltzeko. Besteak beste, Martin Garitano Gipuzkoako ahaldun nagusia eta Imanol Pradales Bizkaiko Sustapen Ekonomikorako diputatua bileran izango dira.
Helburuak
Egoera zehatz-mehatz ezagutzeko eta MCCko zein Fagor Etxetresnakeko ordezkariak "entzuteko" helburua du bilerak, Jaurlaritzako iturriek azaldu dutenez.
Gainera, Fagor Etxetresnaken egoerak herrietan eta eskualdeetan izan dezakeen eragina aztertuko dute, batez ere hartzekodunen konkurtsoa aurkeztuz gero.
Bestalde, asteazkeneko bilerara deitu dituztela baieztatu dute Fagor Etxetresnakeko iturriek. Antza denez, asteleheneko bilerarako ez zituzten deitu. Sergio Treviño kooperatibako zuzendariak parte hartuko du bileran.
Era berean, kooperatibako zuzendaritza Frantziako sindikatuekin bilduko da asteazken honetan, bertako lantegietako egoeraz hitz egiteko.
Bestalde, Fagorren inguruan orain arte azaldutako jarrera berretsiko duela iragarri du Mondragon Korporazioak. Jarrera aldatzeko borondaterik ez duela azaldu dute iturriek.
Fagorren finantziazioa lortzeko Mondagonen parte-hartzea eskatuko du Gipuzkoako Aldundiak. Euskal finantza entitateak helburu horretan inplikatu behar direla uste du Aldundiak.
Elkarretaratzea Lakuan
Bi orduz, 12:00etatik 14:00etara, kooperatibistek elkarretaratzea egingo dute Eusko Jaurlaritzako egoitzaren aurrean.
Fagor Etxetresnakeko langileek urriko soldata jaso ez dutela baieztatu diote EITBri. Zuzendaritzak inolako azalpenik eman ez diela gaineratu dute.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.