Ratok Bankian egindako lana defendatu eta autokritika saihestu du
Bankian egindako lana defendatu du gaur Rodrigo Rato entitateko presidente ohiak, eta lehentasunezko akzioen trukaketagatik autokritika egitea saihestu du. Trukea Balore Merkatuaren Batzorde Nazionalak (CNMV) ikuskatu zuela erantsi du Ratok.
Kataluniako Parlamentuaren ikerketa batzordean agerraldia egin du Bankiako presidente ohiak. Rato Espainiako Bankuaren irizpideaz, auditoreen txostenetaz edo CNMVren ikuskaritzaz baliatu da Caja Madrid, Bancaja eta beste bost aurrezki-kutxen arteko fusioa, Bankia burtsara ateratzea edo lehentasunezko akzioen trukaketa justifikatzeko.
Ratok 2012ko maiatzaren 7an kargua utzi zuen. Bankiako presidente ohiak 22.500 milioi euro hornitu zituela adierazi du. Entitatea onbideratzen saiatu zela gaineratu du. Bulegoak itxi zituela esan du. Horrela, agintariek ezarritako kapital baldintzak betetzeko helburuarekin lan egin zuela defendatu du.
Bankia dela eta erantzukizunik ote duen galdetu diote Ratori. 2010eko urtarrilaren amaieratik 2012ko maiatzera arte hartutako erabakien "erantzukizuna" berea dela erantzun du Bankiako presidente ohiak.
"Laster arte, gangster"
Ratoren agerraldian tentsio-unerik larrienaren protagonista David Fernandez CUPeko parlamentaria izan da. Ratori sandalia botatzeko keinua egin du Fernandezek, eta "infernuan" itxarongo diola esan dio.
David Fernandez CUPeko parlamentariak sandalia botatzeko keinua egin du. Argazkia: EFE
"Infernuan ikusiko gara. Zure infernua gure itxaropena da. (...) Laster arte, gangster. Mafia kanpora", esan dio Fernandezek.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.