Rementeria: 'Fagorrek iritzia zergatik aldatu zuen azaldu behar du'
Bizkaiko Foru Aldundiak Fagor Etxetresnaki eskainitako diru-laguntzaren inguruan iritzia zergatik aldatu zuten enpresa horretako buruzagiei galdetu beharko zaiela adierazi du Unai Rementeria Bizkaiko Foru Aldundiko bozeramaileak.
Euskadi Irratiari eskainitako elkarrizketan, Fagor Etxetresnakeko zuzendaritza 3 milioi euroko bermea jasotzearen alde agertu zela gogoratu du Rementeriak. Helburua, Edesa hartzekodunen konkurtsotik ateratzea zen. “Azkenean Fagorrek iritzia aldatu zuen, eta orain erabaki horren ondorioak bizi ditugu”, gaineratu du.
Zehaztu duenez, Eusko Jaurlaritzako egoitzan erakundeetako ordezkariekin izandako bileran, Fagorreko arduradunek onartu zuten laguntza izanez gero bideragarria izan zitekeela Basuriko lantegia baina, ordu batzuk beranduago, “atzera egin zuten”.
“Edesak 230 langile ditu, eta zeharkako langileak ere asko dira. Eskaintza norabide horretan egin genuen”, azaldu du.
“Diputatu nagusiak badaezpada hiru milioi jartzea proposatu zuen, nahiz eta enpresak bi milioi behar zituztela esan. Fagorreko zuzendariekin hitz egin genuen eta, ondoren, diru-laguntza iragarri genuen. Ordu batzuk beranduago, Fagorrek bere iritzia aldatu zuen eta orain erabaki horren ondorioak biziko ditugu. Guk enplegua eta jarduera ekonomikoa mantentzeko pausoak emango ditugu beti eta, horrenbestez, Fagorreko arduradunei galdetu behar diegu iritzia zergatik aldatu zuten”.
Bidesariak kamioientzat
Kamioientzat bidesaria jartzeko Gipuzkoako Foru Aldundiaren egitasmoa “diskriminatorioa” izan daitekeela adierazi du Unai Rementeria Bizkaiko Aldundiko bozeramaileak. “Guk ez dugu hori ondo ikusten”, gaineratu du.
Azaldu duenez, Bizkaian hiru bidesari daude, hiru errepidetan jarrita. “Baina errepide guzti horiek badauzkate kalitatezko alternatibak, kamioiak eta kotxeak beste errepideetatik joan daitezke”, adierazi du.
Gipuzkoako egitasmo horren bitartez, “kalitatezko errepide guztietan” bidesariak jarriko dituztela salatu du Rementeriak, “ez dago alternatiba erosorik, eta hori da guk ez duguna ondo ikusten”.
Bizkaiko Aldundiko ordezkariak azpimarratu du ez dutela Bizkaian bidesari berririk jartzeko asmorik.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.