Aurrekontuen egonkortasunerako akordioa lortu dute PPk eta EAJk
Aurrekontuen egonkortasunerako akordioa lortu dute PPk eta EAJk, Radio Euskadik aurreratu duenez. Zazpi orrialdeko dokumentu batean bilduko dituzte akordio horren xehetasunak, eta astearte honetan aurkeztuko dute, Legebiltzarrean. PPk osoko zuzenketarik ez aurkeztea eta beste alderdien osoko zuzenketarik ez babestea jasotzen du lortu berri duten egonkortasunerako akordioak.
Egunak zaramatzaten bi alderdiek negoziazioetan, eta epe luzeko akordioa eskainia zion PPk Jaurlaritzari. Inbertsioak lortzeko funtsa lortzea zuen oinarri proposamen horrek.
Astelehen honetan bertan, PSEk "EAJren sinadura daramaten" 115 zuzenketa partzial aurkeztu dizkio Urkulluren Gobernuaren 2014ko aurrekontuari. Zuzenketak arratsaldean erregistratu ditu Eusko Legebiltzarrean.
Alderdi sozialistak oharra kaleratu du eta bertan jakinarazi duenez, 25,4 milioi euroko balioa duten ekintzak proposatzen dituzte zuzenketek. "Helburua zerbitzu publikoak hobetzea eta ekintza ekonomikoei eta kultura sortzen duten elkarteei bultzada ematea da", zehaztu dute.
Laburbilduz, 84 ekarpen aurkeztu ditu, asko gai beraren ingurukoak baitira. Zuzenketak EAJ eta PSEk urrian sinatu zuten itun fiskalaren edukiari dagozkio. Alderdi sozialistatik adierazi duenez, ordea, aurkeztutako zuzenketetan ekimen horiek modu zehatzean jasotzen dira.
Nabarmentzekoak dira Donostiako Metroari zuzendutako 2,75 milioi euroak. Era berean, metroaren lanak 2014an hasteko konpromisoa jasotzen da eta urtero, 2020an lanak amaitu bitartean, lan horiei ekarpena egitea. Guztira, 87,7 milioi euro zuzenduko lirateke lan horietara.
Eibarreko eta Zumarragako erietxeei zuzendutako ekarpenak ere jasota daude. Eibarreko erietxeak 1,5 milioi euro jasoko lituzke eta Zumarragakoak 800.000 euro. Era berean,Erretuertoko osasun etxeak 600.000 euro jasoko lituzke.
Burtzeñako Enpresa Parkeari zuzendutako 2 milioi euroko kontu-saila ere jasotzen da zuzenketen artean.
Joan den astean iragarri zuen PSEk aurrekontuei babesa eskainiko ziela. Alderdiak gaur adierazi duenez, zuzenketak Jaurlaritzarekin "hitzartu" dira hainbat elkarrizketa izan ondoren eta EAJren sinadurarekin erregistratu dira. Legebiltzarrean aurrera egingo dute 2014ko aurrekontuek.
EH Bildu
EH Bilduk ere gaur aurkeztu ditu aurrekontuei egingo dizkien zuzenketak. 1.600 milioi euroko balioa duten ehun zuzenketa erregistratzeko asmoa du taldeak. Horrez gain, etaUPyDk egingo duen moduan, osoko zuzenketa ere erregistratuko du.
Alderdi Popularrak, bestalde, ez du ezagutzera eman aurrekontuei zuzenketak aurkeztuko dizkion edo ez. Zuzenketa aurkeztu ahal izateko epea bihar amaitzen da.
EAJk bihar aurkeztuko ditu bere zuzenketa partzialak.
Zure interesekoa izan daiteke
Ostiraletik aurrera, berriro animaliarik gabe azoketan
Dermatosi nodularrak eragindako abereak erakusteko debekua indarrean sartuko da bihar, ostiurala, neurria ofizialki argitaratzen denean. Elgoibarko azoka izango da eragina jasango duen lehendabizikoa, larunbatean.
Abadiñoko lantegiaren itxieraren aurka mobilizatu dira Metal Groupeko langileak
Langileek elkarretaratzea egin dute Berrizen, Abadiñoko lantegiaren itxiera salatzeko, izan ere, 48 pertsona lanik gabe utziko ditu, eta Legutioko lantegian aurkeztutako lan-erregulazioko espediente (LEE) salatzeko, bertako 183 langileetatik 91 kaleratzea aurreikusten baitu.
Amaitu dira Basauri eta A-8a arteko lotunea hobetzeko lanak, 26 hilabeteko lanen ondoren
Proiektuak 5,36 milioiko inbertsioa izan du euste- eta seinaleztapen-sistemak egokitzeko.
Bilboko Aireportuak 200 hegaldi baino gehiago eskainiko ditu gaur eta bihar artean
Guztira, Gabonetan zehar 2.368 hegaldi hartuko ditu Bizkaiko terminalak. Joan den ostiralean, abenduak 19, programatutako operazio gehien izan zituen eguna izan zen, 137 guztira, eta ondoren, abenduaren 22an, astelehena, 136 operaziorekin.
Uvesco euskal inbertsoreen esku geratu da berriz
BM Supermerkatuen eta Super Amararen jabe den konpainiak enpresa-sustraitzea indartuko duen operazioa burutu du; datozen egunetan beste euskal partzuergo batek Ayesa (garai bateko Ibermática) ere erosiko duela baieztatu dute.
CCOOk eta LABek Nafarroako Osasun Zerbitzuan izandako sexu-erasoen inguruan erantzukizunak argitzea eskatu dute
Kautelazko neurriak berehala hartzea, kaltetutako pertsonak babestea eta ikerketa zorrotza egitea eskatzen dute; horrez gain, goragoko instantziek gertakarien berri ba ote zuten argitzea eskatu dute.
Espainiako Gobernuak 2026an luzatuko ditu garraiorako laguntzak, eta hilean 60 euroko abonu bakarra onartu du
Eusko Jaurlaritzak eskatuko du abonu bakarra Euskadiko aldirietan aktibatzea, Estatuko gainerakoekin homogeneotasuna mantentzeko.
Espainiako Gobernuak gutxieneko pentsioak % 7 igo eta autonomoen kuotak luzatuko ditu 2026rako
Urteko azken bileran erabaki dute ere, besteak beste, bizitzeko gutxieneko diru-sarrera % 11,4 handitzea.
Noël d'Anjou sailburuak nabarmendu duenez, aurrekontuek "norabide argia markatzen dute etorkizuneko Euskadirantz"
Aurrekontuak onartzeko bozketaren ostean, Noël d’Anjou Ogasun eta Finantza sailburuak berretsi du horiek zerbitzu publikoak indartzen dituztela eta “pertsonak erdigunean jartzen” dituztela, kontu “arduratsuak” eta “konprometituak" direlako herritarren arazoekin, eta “etorkizuneko Euskadirantz norabide argia" markatzen dutela.
Eusko Legebiltzarrak 2026rako aurrekontuak onartu ditu, oposizio osoaren ezezkoarekin
Gobernuko kideen (EAJ eta PSE-EE) gehiengo absolutuari esker egin dute aurrera, eta aurrekontuak 16,3 milioi eurokoak izango dira, aurtengoak baino % 4,1 gehiago.