EAJk, PSEk eta PPk Bizkaiko aurrekontuak onartzeko pausoa eman dute
EAJ-PNV, PSE-EE eta PP alderdiak aurrekontuen inguruan adostutako hitzarmena gauzatzen hasi dira gaur eta Bizkaiko Batzar Nagusietan atzera bota dute EH Bilduk aurrekontuei aurkeztutako osoko zuzenketa.
Gernikako batzar-etxean egin den bilkuran EAJ eta PPko ahaldunek osoko zuzenketaren aurkako botoa eman dute. PSE-EEko ordezkariak, berriz, abstenitu egin dira.
Izapidetza hau gainditu ondoren, 2014 urterako Bizkaiko aurrekontuak datozen egunetan onartuko dira, bilkura berri batean. Orduan jorratuko dira, gainera, taldeek aurkeztutako zuzenketa partzialak.
PSE eta PPk Eusko Alderdi Jeltzalearekin adostu dute datorren urteko aurrekontuen onarpena. Alderdi Sozialistaren kasuan, 4,5 milioi euroko balioa duten zuzenketak hitzartu dituzte Foru Aldundiarekin. Alderdi Popularrak, berriz, milioi bat euro baino gehiagoko balioa duten zuzenketak hitzartu ditu.
Osoko zuzenketa
EH Bilduk aurkeztutako osoko zuzenketa izan da gaurko bilkuran jorratu den gai nagusia. Alderdi Popularrak ere osoko zuzenketa aurkeztea aurreikusi zuen, nahiz eta EAJrekin akordioa lortu ondoren, osoko zuzenketarik ez aurkeztea erabaki duen.
Eztabaidan, EH Bilduko ordezkaria den Irune Sotok hiru alderdien artean egondako “kromo aldaketa” salatu du eta Alderdi Sozialistari men eginez ondorengoa gaineratu du: “Ze merke saltzen duten batzuek euren burua!”. “PPri ezer gutxi geratu zaio, baina ezer baino hobe da”, esan du Sotok.
Lorea Bilbaok, EAJren ordezkariak, aurrekontuetan parte hartu nahi izan ez duen alderdi “bakarra” EH Bildu izatea kritikatu du, “proposamen bakar bat ere egin gabe”. “Aurkako zentzuan dabiltzanak zuek zarete, eta ez zarete horretaz ohartzen. Gainerako alderdiak beste liga batean gaude”, esan dio EH Bilduko ordezkariari.
Alderdi Popularreko Esther Martinezek gogora ekarri du hirugarren urtez babestu dituela euren alderdiak Bizkaiko aurrekontuak. “Desadostasunak izan arren, akordioak lor daitezkeela erakusten du hitzarmenak”, azpimarratu du.
Iñaki Egañak, PSE-EEko ahaldunak aurrekontuei eskainitako babesa “ez dela itsua” esan du eta “oposizioa” egiten jarraituko dutela gaineratu du.
Zure interesekoa izan daiteke
Greba eguna dute Tubos Reunidoseko langileek, batzordeen eta zuzendaritzaren arteko bilerarekin bat eginez
Amurrioko lantegiko langileek lanuzteak deitu zituzten otsailaren 17, 23 eta 26rako eta martxoaren 4 eta 9rako. Trapagarango lantegiko LAB eta ESK sindikatuek ere lanuzteak deitu dituzte egun berberetarako.
Trumpek Venezuelako petrolioaren kontrola hartu zuenetik Europara heldu den lehen ontzia Bilboko portuan da
Hilabete eta sei egun igaro dira Josu Jon Imaz Repsoleko egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da azken orduotan Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.