Zumaiako Balentziagak beste sei ontzi eraikitzeko kontratua lortu du
Zumaiako Balentziaga ontziolak sei ontzi gehiago eraikitzeko kontratua lortu berri du. Duela aste batzuk, bi ontzi egiteko kontratua eskuratu zutela iragarri zuen Gipuzkoako enpresak.
Euskal Herriko Itsas Foroko lehendakari Javier Lopez de Lacallek eta Industria sailburuorde Juan Ignacio Garcia de Motiloak adierazi dutenez, kontratua 90 milioi eurokoa da, eta Balentziagaren ohiko bezeroa den Craig enpresa eskoziarrak eskatu ditu ontziak.
Guztira kontratatu diren zortzi itsasontziek euskal itsas sektoreak 'tax lease' berria indarrean denetik lortu duen lehen operazioa osatzen dute. 'Tax lease' Europako Batzordeak onartu duen aktiboen finantziazio sistema da, ontziei aplikatzen zaiena.
Lopez de Lacalleren hitzetan, lehenengo bi ontzien eraikuntza "finantza-egiturarik gabe, arriskuak hartuz eta enpresa mantentzeko asmoz" onartu zuen Balentziagak. Izan ere, Zumaiako enpresak ordainketa modua ez zuen itxita, ez baitzekien sistema berria aplikatuko zitzaion edo ez.
"Jada aginduta zeuden itsasontziak ziren, baina azaroaren 30a baino lehen 'tax lease' sistema aplikatzen ez bazitzaien, Balentziagak diru asko galtzeko arriskua zuen", esan du Itsas Foroko lehendakariak.
"Finantziazio berri hori gabe, zortzi itsasontzi horiek Indonesiako enpresek eraikiko zituzketen", azaldu du Lopez de Lacallek.
EAEko ontziolarik handiena den La Navalen egoeraz galdetuta, kontratuak lortzeko "gogor" borrokatzen ari dela adierazi du, baina "finantziazio arazoak" dituela gaineratu du.
"La Navaleko ontziek ehun milioi eurotik gora balio dute, eta zaila da finantziazioa aurkitzea. Izan ere, langileen produktibitateak baino lehiakortasun handiagoa dute finantziazioak eta abalek", azaldu du ontziolen elkarteko buruak.
Sektorearen egoera aldatzen ari dela onartu dute Lopez de Lacallek eta Garcia de Motiloak.
"Produktua badago, teknologia ere bai. Inbertitzaileek behar dutena konfiantza gehiago da, arauak argi azaltzea", esan du Industria sailburuordeak.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.