Gutxieneko soldata 645,30 euroan utziko dute 2014rako
Lanbide Arteko Gutxieneko Soldata 2014 urterako bere horretan uztea erabaki du gaur Ministroen Kontseiluak. Horrela, eguneko 21,51 eurokoa izango da gutxieneko soldata, hilero 645,30 eurokoa. Nolanahi den, ezingo da inolaz ere urtean 9.034,20 eurotik beherakoa izan.
Lan Ministerioak adierazi duenez, enpresaburuen elkarte eta sindikatu nagusiei kontsultatu diete erabakia, eta "prezioei eusteko gaur egungo testuinguruari dagokio; horren aurrean 2014an suspertze ekonomikoari, lehikortasuna hobetzeari eta enplegua sortzari bideratutako soldata politika ezarri behar baita".
Elkarrekin adostutako agiri batean, gutxieneko soldata izoztearen aurka azaldu dira CCOO eta UGT sindikatuak, errenta horrek erosteko ahalmena galtzea ekarriko baitu; izan ere, 2007tik pisua galtzen joan da gutxieneko soldata batez besteko soldatarekin erkatuta. Espainiako Gobernuak %0,3 igo zuen gutxieneko soldata iaz.
2014koa Gobernuak egingo duen bigarren izozketa izango da 2012an (boterera heldu bezain laster) egin zutenaren ostean.
Ramon Gorriz eta Toni Ferrer CCOO eta UGT sindikatuetako Gizarte Ekintzako bozeramaileek eskutitz bat bidali diote Fatima Bañez Enplegu ministroari. Izozketaren aurka daude, Europako Gizarte Eskutitzean hartutako konpromisoetatik urruntzen delako. Horren arabera, gutxiengo soldata herrialde bakoitzeko batezbesteko soldataren %60koa izango da.
Albiste gehiago ekonomia
Greba mugagabea Aguraingo eta Legasako Arcelor lantegietan uztailaren 1etik aurrera
Enplegu-erregulazioko espedientearen kontsultarako aldia bi aldeen adostasunik gabe amaitu zen. ELA sindikatuak salatu du EEE horren ondorioz, 33 langile kaleratu eta Legasako lantegia itxiko duela zuzendaritzak.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.
Hiru behargin hil dira lan-istripuz 24 orduan
LAB sindikatuak salatu duenez, bi langile hil dira basolanetan ari zirela, Altsasun (Nafarroa) eta Eskoriatzan (Gipuzkoa). Beste batek istripu ez traumatikoa izan du, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.
800 alegazio aurkeztu dituzte Mandoiako Feroskana parke eolikoaren aurka, Arratian
200 metroko altuera eta 27 megawtteko potentzia duten sei aerosorgailuz osatutako parke honek Usansolo, Igorre edo Lemoa bezalako udalerriei eragin diezaieke, baita herri txikiagoei ere.