Navaleko 200 langile aldi baterako espedientean sartu dira gaur
Sestaoko Navaleko 200 bat langile aldi baterako erregulazio espedientean sartuko dira gaur, ontziolak egin behar zuen azken lana amaitu ondoren. Guztira 236 pertsonak egiten dute lan Sestaoko ontziolan.
'Hercules' ontzia gaur entregatuko du Navalek eta, horrenbestez, 200 bat langile erregulazio egoeran sartuko dira. Azken urteetako zortzigarren espedientea da, langileen batzordeak jakitera eman duenez.
Orain arte 150 bat lagun langabezian izan dira, baina une zehatz batzuetan eta lan-kargaren arabera, enpresak langile horiek kontratatu izan ditu 'Hercules' ontzia eraikitzeko.
Lan batzordearen arabera, gaurtik aurrera ez da "inor ere" lanean egongo, mantentze-lanetarako behargin batzuk edota "ingeniari gutxi batzuk salbu".
Beharginek batzarra eta elkarretaratzea egin dute gaur goizean, ontziolaren bulegoen aurrean. Horrez gain, langileen batzordea zuzendaritzarekin batzartu da, baina ez dute kontratu gehiagoren berririk jaso.
Bestalde, langileek manifestazioa deitu dute biharko, Barakaldon, 19:00etatik aurrera. Ondoren, langileen batzordeko kideek 12 orduko itxialdia egingo dute Barakaldoko Udaletxean, Navaleko zuzendaritzari lan-karga eskatzeko.
Eskaera berrietarako negoziazioak, "aurrerantz"
Sestaoko La Navaleko batzordea asteazken honetan bildu da zuzendaritzarekin, eta eskaera berrien negoziazioak "aurrerantz" doazela azaldu die, baina "poliki-poliki", sindikatuek azaldu dutenez.
Bilera hori ontziolan izan da, gaur goizean, Bizkaiko ontziolak kontratatutako azkeneko ontzia eman ostean. 20 pertsona inguru gehiago sartu dira aldi baterako lan erregulazio-txosteneko espedientean, ekainera arte. Orain arte 235 langileetatik 110i eragiten zien.
Batzordeak informazioa eskatu dio zuzendaritzari, eskaera berriak lortzeko burutzen ari diren kudeaketen inguruan.
Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.