Laminacioneseko langileek Jaurlaritzaren aurka egin dute
Celsa Atlantic (Laminaciones Arregui ohia) konpainiako langileek Eusko Jaurlaritzaren aurka egin dute, eta duela bi urte hasitako lan-gatazka konpontzeko "ezer egin ez izana" leporatu diote.
Nando Anguiano enpresa batzordeko presidenteak agerraldia egin du gaur Gasteizen; izan ere, Auzitegi Gorenak onartu egin du azaroan 91 kaleratze ontzat eman zituen epaiaren aurkako helegitea.
Hori horrela, Anguianok txalotu egin du Gorenak aurreko epaian egindako "akatsa" onartu izana, eta Jaurlaritzari esku hartu ez izana egotzi dio.
Langileen ordezkariak gogorarazi duenez, enpresa batzordeak "hainbatetan" eskatu dio laguntza Gasteizko Gobernuari, bitartekari lanak egiteko eta alde guztiak mahai baten inguruan eserarazteko. "Egin dezakeen gauza bakarra zuzendaritzari telefonoz deitzea bada, hau ez da behar dugun Eusko Jaurlaritza", gaineratu du.
Hori horrela, herritarren lanpostuen alde egiteko eta Arabako lantegietan enpleguari eusteko beharrezkoak diren pausoak emateko eskatu dio.
Bestalde, jarduera industriala berreskuratzeko asmoz, langileak "trantsizio neurriak" onartzeko prest daudela azaldu du Anguianok.
Celsa Atlantic konpainiako lan-gatazka 2012. urteko maiatzean hasi zen. Orduan, zuzendaritzak langileak kaleratzeko erregulazio-plana aurkeztu zuen bi lantegietan. Guztira, 352 langile kaleratu nahi zituen.
Langileek manifestazioa deitu dute maiatzaren 8rako, Gasteizen, "borrokarekin jarraitzea" eta euren lanpostuak eta "langileen duintasuna" defendatzea erabaki baitute.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.