Hamar lagun atxilotuta orotara Adifen sarearen aurkako operazioan
Guardia Zibilak hamargarren lagun bat atxilotu du gaur, asteartea, Bartzelonan, Bartzelonako AVEeko lanetan ustez aurrekontuak faltsutu eta sei milioi euro lapurtzeagatik Adifeko funtzionarioen sarearen eta enpresa baten kontra zabaldutako operazioaren baitan.
Auzitegietako iturriek esan dutenez, azken pertsona honen atxiloketa hiriburu kataluniarrean egin dute gaur goizean, atzotik zabaldutako operazioa dela eta, Bartzelonan eta Madrilen zenbait miaketa egin eta gero. Iturri berdinaren arabera, dagoeneko bost pertsona aske utzi ditu Guardia Zibilak, ustez irregulartasun horiekin harreman gutxiago izateagatik.
Atxilotua Saudi Arabiatik Bartzelonara heldu berria zen atxilotu dutenean; La Sagrera AVEko tarteko lanen burua da, eta hori da, hain justu, susmopean dagoena.
24 orduko miaketa
Guardia Zibilak goizaldeko bostetan amaitu ditu Adif enpresak Bartzelonan, La Sagrerako geltokian, duen egoitza miatzeko lanak, abiadura handiko trenaren lanetan ustez izan den ustelkeria kasua argitzeko miaketa hasi eta 24 ordura.
Ustelkeriaren kontrako Fiskaltzak aurkeztutako kereila baten harian etorri da operazioa, eta Adifeko funtzionario publikoekin enpresari behar zuena baino diru gehiago emateko ados jarri ote ziren ikertzen ari dira.
Fiskaltzaren arabera, atxilotuek trenaren lanak egiteko prozesua faltsutu zuten, eta benetan egin zituztenak baino lan gehiago egin zituztela sinatu zuten, 6 milioi euroko diru-sarrerak lortzeko Corsan enpresarentzat.
Bruselak ez daki bere dirua erabili ote den
Siim Kallas Europako Batzordeko presidenteordearen esanetan, ikertu egin behar da abiadura handiko trenaren lanen harira ustelkeriarik izan den, baina oraindik ez omen dakite Europar Batasunak lan horiek egiteko emandako dirua ote den bidegabe erabili dena.
"Ustelkeria oso txarra da, baina oraingoz ez dugu informaziorik Europar Batasunak emandako funtsetako dirua dela pentsatzeko", azaldu du.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".