Egunkariako auzipetuek helegitea ez jartzea eskatu diote fiskalari
Gipuzkoako Lurralde Auzitegiak Euskaldunon Egunkariako auzi ekonomikoa artxibatu eta gero, helegiterik ez aurkeztea eskatu diote auzipetuek Fiskaltzari. Horren haritik, "inork" ez lukeela hori "ulertuko" eta kazetaren aurkako akusazioak "sostengaezinak" direla esan dute.
Hainbat auzipetuk ekitaldia egin dute ostiral honetan Egunkaria ohiaren egoitzan (egun Berriaren egoitza da), eta bertan hainbat pertsona elkartu dira, hala nola Jose Miguel Ayerza Adegiko idazkari nagusia, Patxi Baztarrika Hizkuntza Politikako sailburuordea, Martin Garitano Gipuzkoako ahaldun nagusia, Lohitzune Txarola Batzar Nagusietako presidentea, Juan Karlos Izagirre Donostiako alkatea eta Eneko Goia EAJk Donostian duen bozeramailea.
Iñaki Uria Egunkariako kontseilari delegatu ohiak adierazpen bat irakurri du, auzipetuen izenean, eta azken 11 urteetan "akusazio larri asko" izan dituztela deitoratu du.
Gainera, 2010. urtean Auzitegi Nazionalak auzi ekonomikoa Donostiako Lurralde Auzitegira bideratu zuela, eta, bertan, Fiskaltzak BEZaren ordainketean iruzur egitea egoztea errefusatu zuela gogorarazi du. Izan ere, "Gipuzkoako Ogasunak deliturik ez zela izan azaldu zuen".
"Absoluzioa nahi genuen, eta preskripzioa heldu da; ontzat joko dugu", adierazi du. Dena dela, Egunkaria itxita dagoela eta langileek "osasuna, askatasuna eta lana" galdu dutela gogorarazi du.
Uriaren hitzetan, "bidegabekeria bukatu egin da", eta orain gizarteak "ez luke ulertuko Fiskaltzak helegitea aurkeztea". Asteazkenerako epea du Ministerio Publikoak.
Zure interesekoa izan daiteke
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.