11.300 pertsona gutxiago langabezian, EAEn
Langabezia-tasa % 6,34 jaitsi da EAEn aurtengo bigarren hiruhilekoan, aurrekoarekin alderatuta (hau da, 11.300 pertsona gutxiago daude lanik gabe), Espainiako Estatistika Institutuak (INE) kaleratutako Biztanleria Aktiboaren Inkestaren arabera.
EAEko langabezia-tasa % 16,33koa da, Espainiako Estatuko txikienetakoa. Nafarroak du baxuena: % 15,88koa.
Urteko bigarren hiruhilekoko datuak oinarri hartuta, 2.400 langabe gutxiago (% 1,42 gutxiago) zenbatu dituzte Euskadin. Guztira 167.500 pertsona daude lan barik.
Espainiako datuak
Espainiako Estatuan, langabezia % 5,2 (310.400 pertsona) jaitsi da bigarren hiruhilekoan. Jaitsiera handiena da INE datuak biltzen hasi zenetik.
Orotara, 5.622.900 pertsona daude lanik gabe Estatuan. 2006. urtetik izan den datu txikiena da.
Azken urtean, langabezia % 7 jaitsi da; portzentaje handiena 1999. urtetik.
Zure interesekoa izan daiteke
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek auzitara eraman ditu Endesa, Iberdrola, Naturgy eta Red Electrica, itzalaldiagatik
Etxebizitzaren prezioak markak hautsi ditu berriro: 6.662 €/m2 Donostian eta 4.102 €/m2 Gipuzkoan
Espainiako Gobernuak bihar onartuko du gutxieneko soldata 1.286 eurora igotzea