Zorraren birfinantzazioa adostu dute Eroskik eta bankuek
Luzea eta gogorra izan da negoziazioa, baina, azkenean, 2.603 milioi euroko zorra nola finantzatu hitzartu du Eroskik finantza-erakundeekin. Baldintza-agiria sinatu du, dagoeneko, kooperatibak bankuekin, eta hurrengo urratsa aldebiko kontratuak sinatzea izango litzateke, banku bakoitzarekin. Gauzak ondo, irailean izenpetuko dira bi aldeko itunak, notarioaren aurrean.
Eroskik agiri bat kaleratu du gaur, akordioaren berri emateko. Zorraren itzulketa-epea luzatu da eta inbertsioei eusteko maileguen baldintzak berritzea lortu da, eta horri esker, Eroskiren bideragarritasuna bermatuta dago, kooperatibak agirian jaso duenez.
22 bankuri 2.605 milioi euro zor die , baina zortzi dira hartzekodun nagusiak (zorraren %85 dute): BBVA, Caixa Bank, Banco Santander, Euskadiko Kutxa eta Kutxabank tartean daude. Zorraren itzulketa nola eta zein epetan egingo duen adostu du Eroskik. Banketxe nagusienekin hitzartuta, gainerako finantza-erakunde guztiek ere ontzat eman dute plana.
Agustin Markaide Eroskiko presidenteak azpimarratu duenez, akordio honekin "aro berri bati" ekingo dio kooperatibak. Datozen urteotarako duten plan estrategikoan jasota dauden erronkei aurre egiteko moduan direla esan du. "Taldearen pasiboak berrantolatuta, banaketa negoziora bideratuko ditugu gure ahaleginak, hori baita gure egitekoaren oinarri nagusia. Eroski berri baterantz eramango gaitu bide berriak: kontsumitzaileak, langileak, gizartea, hartzekodunak eta bazkide guztiak are gehiago asebeteko dituen eredu baterantz", gaineratu du.
Zorra atalka ordainduko dute
Adostutako baldintzetako bat zorra atalka banatzea da. Lehendabiziko atalean, 800 milioi euro jasoko dira, eta diru kopuru hori 2019ko uztailaren amaierarako itzuli beharko du Eroskik. Bigarren atala desinbertsioei dagokiena da, 300 milioi eurokoa: modu ordenatuan inbertsioetatik kapitalak erretiratzen hasiko da Eroski. Zor ez estrukturalarena da beste ataletako bat, 942 milioi eurokoa, eta, laugarren atalean, higiezinen zorra jasoko litzateke, 563 milioi eurokoa. Bestalde, 375 milioi euroko kapital zirkulatzailea gehituko diote bankuek kooperatibari, eguneroko aktibitatea aurrera atera ahal izateko.
Modu horretan, zorra ordaintzeko epea luzatzea eta birfinantziatzea lortu du Eroskik . Zorra enpresen jardueraren arabera egituratu dute. Ondorioz, arduradunek esan dutenez, egonkortasun finantzieroa lortu dute eta horrek dagokion negozioetan murgiltzeko aukera ematen die, dituzten planak gauzatzeko.
Besteak beste, saltokietan jaki freskoak eta lurraldekoak saldu nahi dituzte eta, gainera, bezeroarenganako hurbiltasuna indartu. Supermerkatuak, kirol dendak, bidai-agentziak, gasolinerak ... guztiak kontutan hartuta, 2.069 saltoki ditu, eta 36.400 langile, herena bazkideak dira.
Zorraren berregiturarekin, Eroskin garai berri baten hasiera omen dator, baina kooperatiba ereduari eutsiz, orain, kanpoko diru sarrera barik.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasaitasunez eta normaltasunez" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta bere irtenbide teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.