EBZk % 0,05era jaitsi du interes tasa, inoizko maila baxuenera
Europako Banku Zentralak (EBZ) interes tasak % 0,05era jaistea erabaki du gaur, inoizko maila baxuenera, deflazio arriskuari aurre egiteko asmoz.
Era berean, EBZk krediturako erraztasun marginala (bankuei egun baterako dirua uzteko interesa) 10 puntu jaitsi du, % 0,3raino, eta irailaren 10etik aurrera egongo da indarrean.
Gordailurako erraztasunerako interesa ere jaitsi egin du, % -0,2ra; beraz, dirua EBZn gordetzen duten bankuek gehiago ordainduko dute.
Inflazioa
Draghik eguneratu egin ditu aurreikuspen makroekonomikoak Eurogunerako, eta hazkunde eta inflazio aurreikuspenak jaitsi egin dituzte.
Euroguneko ekonomia aurten % 0,9 haziko dela aurreikusi dute, ekainean baino hamarren bat gutxiago; eta 2015ean eta 2016ean % 1,6koa eta % 1,9koa izango omen da hazkundea, aurreikusitakoa baino hamarren bat gutxiago eta hamarren bat gehiago, hurrenez hurren.
EBZren buruak ohartarazi du egiturazko erreformarik egin ez izana dela ekonomiak behera egitearen arrazoi nagusietako bat.
Prezioen kasuan, 2014rako aurreikuspena murriztu egin dute hamarren bat, eta prezioen garestitzea aurten % 0,6koa izango omen da. 2015aren eta 2016aren kasuan, ordea, ekaineko aurreikuspenak bere horretan utzi dituzte, % 1,1ean eta % 1,4ean hain zuzen ere.
Euroak, behera; burtsak, gora
Interes tasen inguruko erabakiaren berri izan eta berehala, euroa indar handiz jaisten hasi da, eta 1,3042an dago, azken 13 hilabeteetako maila baxuenean.
Frankfurteko eta Europako gainerako burtsa gehienek, berriz, goraka egin dute albistearen berri izan ostean.
Finantza aktiboak erosteko egitasmoa
Europako Banku Zentralak finantza aktiboak erosteko egitasmoa abiatuko du urrian, eta bermatutako bonoak ere erosiko ditu, Draghik jakitera eman duenez.
"Eurosistemak ABS sinple eta garden ugari erosiko ditu", azaldu du bankari italiarrak bileraren ondoren. "2014ko urrian hasiko dira erosketak", adierazi du Draghik, neurriak erakundean balantzean "eragin handia" izango duela gaineratu aurretik.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.