Fagor urriaren amaieran hasiko da lanean, 60 beharginekin
Fagor Etxetresnek 60 langile berri dituzte eta lanean hasiko dira urriaren amaieran Eskoriatzako eta Arrasateko Garagartzako lantegietan.
Francisco Martin Cataren, Fagorren jabe berriaren, zuzendari nagusia Martin Garitano Gipuzkoako ahaldun nagusiarekin, Jon Peli Uriguen Berrikuntza diputatuarekin eta Inazio Azkarragauriza Arrasateko alkatearekin bildu da gaur kooperatiba ohiaren etorkizunaren inguruko azalpenak emateko.
Martinek jakinarazi duenez, urriaren 8an izenpetuko du behin betirako kooperatiba ohiaren aktiboen esleipena.
Era berean, 60 langile berri kontratatu dituztela azaldu du, baina oraindik ez dutela zuzendaritza berria erabaki.
60 langile horiek Arrasateko Garagartzako lantegira eramango dituzte, eta urriaren amaieran ekoizten astea espero dute, uztailaren 29 iragarri zuten moduan.
Lantegi horretako jarduerari heltzen diotenean, beste langile talde bat hartuko dute, eta kopururik zehaztu ez badute ere, "handia" izango dela aurreratu dute.
Eskoriatzan ere hilabete amaieran hasiko da ekoizpena, eta aurrerago hasiko dira Bergaran eta San Andresen.
Basauriko (Bizkaia) Edesako lantegiari dagokionez, Martinek gogorarazi du eraikina esleitzeke dagoela, eta Cata oraindik zer egin "aztertzen" ari dela.
Kataluniako enpresaren zuzendari nagusiak azaldu duenez, Fagorren barruan dagoen makinaria "egoera onean" dago, eta ez du uste zailtasun teknikoak izango dituztenik ezarritako epean jarduerari ekiteko.
Bestalde, Martin Garitano gustura agertu da lantegiek etorkizuna izatea "albiste ona" delako, eta Catak 2017rako Fagorren 700 langile egotea aurreikusi duelako.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.