Langabezia apur bat igo da irailean EAEn eta Nafarroan
Langabe kopuruak gora egin du irailean Euskal Autonomia Erkidegoan (EAE) eta Nafarroan. Zehazki, 349 eta 4 pertsona gehiago (aurreko hilabetean baino % 0,21 eta % 0 ,01 gehiago), hurrenez hurren, daude bi erkidego horietan lan gabe. Horrenbestez, egun 169.537 eta 46.206 lagun daude erkidego horietako enplegu bulegoetan izena emanda, Lan Ministerioak eta Gizarte Segurantzak gaur emandako datuen arabera.
Lurraldeka, baina, Bizkaian bakarrik egin du gora langabeziak. 653 langabe gehiago zenbatu dituzte bertan; hots, % 0,69 gehiago. Araban eta Gipuzkoan, ordea, behera egin du; 299 eta 5 lagun (% -1,08 eta % -0,01), hurrenez hurren.
Foru erkidegoan iazko epe berean baino 4.201 langabe gutxiago daude orain, urtebetean % 8,33 egin baitu behera langabeziak.
Estatuko datuei dagokienez, 19.720 pertsonak galdu dute lana, eta, horrenbestez, 4.447.650 lagun daude langabezian. Azken bi hilabeteetan gora egin du langabeziak Espainiako Estatuan.
Balorazioak
Gaur jakinarazitako datuei alde "positiboa" ikusteko orduan bat egin dute Eusko Jaurlaritzak eta Nafarroako Gobernuak. Hala, Juan Maria Aburto Lan eta Gizarte Politika sailburuak esan duenez, langabeziak gora egin badu ere, "krisia hasi zenetik izan dugun bigarren irailik onena" da aurtengoa eta, beraz, agerian geratu da ekonomia "inflexio puntu" batera heldu dela. "Ekonomia jarduera hobetuz doa eta enpleguan ere denok espero genuen isla izaten hasi da", borobildu du.
Juan Luis Sanchez de Muniain Nafarroako Gobernuko bozeramailea ere baikor mintzatu da, langabezia % 0,01 "bakarrik" igo delako, eta iraila beti delako hilabete "zaila". "Positiboena", esan du kontseilariak prentsaurrekoan, Gizarte Segurantzan 834 lagun gehiago dagoela izena emanda. Haren ustez, datu horrek "apurka-apurka ekonomia bere onera etortzen ari dela berretsi du".
Araban eta Gipuzkoan behera egin du langabeziak. Javier de Andres Arabako ahaldun nagusiak datua aintzat hartzeko modukoa dela nabarmendu du, baina "zuhurtzia" eskatu du: "Langabe kopurua oso handia da eta ez da hilabetean konpontzen". Adegi Gipuzkoako patronalak ere, pozik hartu du hazkundea.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.